मंडणगड तालुक्यातील दहागाव किराणा मालाच्या स्टॉपवरील ‘अमीर किराणा व जनरल स्टोअर्स’ या दुकानात अज्ञात चोरट्याने घरफोडी करून काउंटरच्या ड्रॉवरमध्ये ठेवलेली २ हजार २०० रुपयांची रोकड लंपास केली. ही घटना ३१ ऑगस्ट रोजी रात्री ९ वाजल्यापासून १ सप्टेंबर रोजी पहाटे ४.३० वाजण्यापूर्वी घडली.
दुकान बंद असल्याची संधी साधून अज्ञात चोरट्याने दुकानावरील सिमेंट पत्रे काढून आत प्रवेश केला. त्यानंतर काउंटरच्या ड्रॉवरमध्ये ठेवलेली रोख रक्कम चोरून नेली.
या प्रकरणी दुकानमालक सिकंदर इसाक जोगीलकर (वय ५६, रा. दहागाव स्टॉप, ता. मंडणगड, जि. रत्नागिरी) यांनी मंडणगड पोलीस ठाण्यात फिर्याद दाखल केली. त्यांच्या फिर्यादीवरून अज्ञात व्यक्तीविरुद्ध भारतीय न्यायसंहिता अधिनियम २०२३ मधील कलम ३३१ (४) आणि ३०५ (३) अन्वये गुन्हा दाखल करण्यात आला आहे.
१ सप्टेंबर रोजी सकाळी ११.५३ वाजता गुन्हा दाखल करण्यात आला असून, अज्ञात चोरट्याचा शोध घेण्यासाठी मंडणगड पोलिसांकडून तपास सुरू आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
