दापोली पंचायत समितीच्या सन २०२६-२७ या आर्थिक वर्षातील वार्षिक आमसभा गुरुवार, १० सप्टेंबर २०२६ रोजी सकाळी ११ वाजता राधाकृष्ण मंदिर, दापोली येथे आयोजित करण्यात आली आहे. दापोली-मंडणगड-खेड विधानसभा मतदारसंघाचे आमदार तथा गृह राज्यमंत्री योगेश रामदास कदम यांच्या अध्यक्षतेखाली ही आमसभा पार पडणार आहे.
या आमसभेला दापोली तालुक्यातील सर्व लोकप्रतिनिधी, विविध संस्थांचे पदाधिकारी, शासकीय अधिकारी-कर्मचारी तसेच नागरिकांनी मोठ्या संख्येने उपस्थित राहावे, असे आवाहन पंचायत समिती प्रशासनाने केले आहे.
आमसभेत तालुक्यातील विकासकामे, नागरिकांच्या समस्या, विविध प्रशासकीय विषय तसेच स्थानिक मागण्यांवर चर्चा होणार आहे. त्यामुळे नागरिकांसाठी आपल्या समस्या थेट प्रशासन आणि लोकप्रतिनिधींसमोर मांडण्याची संधी उपलब्ध झाली आहे.
दरम्यान, नागरिकांनी आपल्या समस्या व मागण्यांबाबतची निवेदने लेखी स्वरूपात पंचायत समिती दापोली कार्यालयात ७ सप्टेंबर २०२६ रोजी सायंकाळी ५ वाजेपर्यंत सादर करावीत. निवेदने पाच प्रतींमध्ये आणि प्रत्येक निवेदन स्वतंत्र A4 कागदावर सादर करणे आवश्यक असल्याचे प्रशासनाने स्पष्ट केले आहे.
ही माहिती पंचायत समिती दापोलीचे सचिव, आमसभा तथा गटविकास अधिकारी (गट-अ) गणेश मंडलिक यांनी दिली. तालुक्यातील नागरिकांनी आपल्या समस्या व मागण्या वेळेत लेखी स्वरूपात प्रशासनापर्यंत पोहोचवून आमसभेत सहभागी व्हावे, असे आवाहन पंचायत समिती प्रशासनाने केले आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
