शहरातील चर्मालय ते भाटीमिऱ्या अलावा येथे चारजणांनी ठेकेदाराला शिवीगाळ व हॉकीस्टीकने मारहाण केली. या प्रकरणी शहर पोलिस ठाण्यात त्या चौघांविरुद्ध गुन्हा दाखल करण्यात आला आहे.
मानस कीर (वय ३०, रा. अभ्युदयनगर, रत्नागिरी) व अन्य तीन मानसचे मित्र असे संशयित आहेत. (नाव, गाव माहीत नाही.) ही घटना सोमवारी (ता. ६) सायंकाळी शहरातील चर्मालय ते भाटीमिऱ्या अलावा येथील दत्तमंदिर जवळील मोकळ्या मैदानात घडली.
पोलिसांकडून मिळालेल्या माहितीनुसार, तक्रारदार सचिन मधुकर वाडकर (वय ३९, रा. गयाळवाडी, मुळ. निढळेवाडी, ता. संगमेश्वर) हे व संशयित मानस कीर व त्याचे तीन मित्र हॉटेलमधून बाहेर पडले.
त्यानंतर सचिन वाडकर व त्यांचे तीन मित्र चारचाकी गाडीमध्ये बसले. मानस कीर व त्यांच्या मित्रांनी सचिन वाडकर यांच्या नाकावर, चेहऱ्यावर हाताच्या ठोशाने मारहाण करून त्याला चाररस्ता चर्मालय येथे सोडले.
त्यानंतर तक्रारदार हे मिस्त्री व्हिला येथे आले असता पुन्हा मानस कीर व त्याच्या मित्रांनी सचिनला हॉकीच्या स्टीकने मारहाण केली. मानस यांनी अलावा दत्तमंदिर जवळील मोकळ्या मैदानात नेऊन पुन्हा मारहाण केली, या मारहाणीत सचिन वाडकर जखमी झाले. त्यांनी या प्रकरणी शहर पोलिस ठाण्यात तक्रार दिली.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
