दापोली आगारातून ई-बस सेवा सुरू झाल्यापासून सर्व मार्गांवर प्रवाशांना सुखकर व पर्यावरणपूरक प्रवासाचा अनुभव मिळत आहे. मात्र, काही वेळा अचानक उद्भवणाऱ्या तांत्रिक बिघाडामुळे ई-बस सेवा मध्येच बंद पडण्याचे प्रकार घडत असल्याचे चित्र दिसून येत आहे.
आज दिनांक २३ जानेवारी रोजी सायंकाळी ५.३० वाजण्याच्या सुमारास दापोली–खेड मार्गावरील ई-बस बजाज शोरूमसमोर अचानक बंद पडली. त्यामुळे काही काळ प्रवाशांचा खोळंबा झाला. घटनेची माहिती मिळताच दापोली आगारातून तंत्रज्ञ घटनास्थळी दाखल झाले व तातडीने दुरुस्ती करून बस पुन्हा मार्गस्थ करण्यात आली.
यापूर्वीही दाभोळ–दापोली मार्गावर ई-बस सेवा तांत्रिक कारणांमुळे बंद पडल्याची घटना घडली होती. अशा प्रकारचे बिघाड जर लांब पल्ल्याच्या मार्गावर झाले, तर प्रवाशांचा मोठ्या प्रमाणात वेळ व गैरसोय होऊ शकते, असा सवाल यानिमित्ताने प्रवाशांनी उपस्थित केला आहे.
ई-बससारख्या चांगल्या व आधुनिक सेवेचा लाभ प्रवाशांना सातत्याने मिळावा, यासाठी गाड्यांची नियमित तपासणी, देखभाल व दुरुस्ती वारंवार करणे अत्यावश्यक आहे, असे मतही प्रवाशांकडून व्यक्त करण्यात येत आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
