रत्नागिरी येथे अंमली पदार्थांच्या तस्करी आणि विक्रीविरोधात रत्नागिरी पोलिसांनी सुरू केलेल्या ‘मिशन फिनिक्स’ अंतर्गत आणखी एक कारवाई करण्यात आली आहे. रत्नागिरी शहर पोलीस ठाण्याच्या हद्दीतील मुरुगवाडा-पांढरा समुद्र परिसरात पेट्रोलिंगदरम्यान एका संशयित इसमाकडून विक्रीच्या उद्देशाने बाळगलेला ब्राऊन हेरॉईनसदृश अंमली पदार्थ जप्त करण्यात आला.
मिळालेल्या माहितीनुसार, रत्नागिरी शहर पोलिसांचे गुन्हे प्रकटीकरण पथक मुरुगवाडा-पांढरा समुद्र परिसरात गस्त घालत असताना एका संशयित इसमाची चौकशी करण्यात आली. त्यावेळी त्याच्याकडे अंमली पदार्थ आढळून आला. पोलिसांनी तत्काळ कारवाई करत संबंधित इसमाच्या ताब्यातील ब्राऊन हेरॉईन आणि दुचाकी वाहन असा एकूण सुमारे ₹१ लाख ५० हजार किमतीचा मुद्देमाल जप्त केला.
ही कारवाई उपविभागीय पोलीस अधिकारी अरांक्षा यादव (भा.पो.से.) यांच्या नेतृत्वाखाली करण्यात आली. कारवाईत परि. पोलीस उपअधीक्षक अभिजीत थोरात, पोलीस निरीक्षक विवेक पाटील, पोलीस उपनिरीक्षक सागर शिंदे, सहायक पोलीस फौजदार दीपक साळवी, पोलीस हवालदार शांताराम झोरे, दिनेश आखाडे, भालचंद्र मयेकर तसेच पोलीस कॉन्स्टेबल अमित पालवे आणि निलेश शिंगवे सहभागी होते.
अंमली पदार्थांची विक्री व तस्करी रोखण्यासाठी रत्नागिरी पोलिसांकडून ‘मिशन फिनिक्स’अंतर्गत कारवायांना वेग देण्यात आला असून, या कारवाईमुळे शहरातील अंमली पदार्थांच्या व्यवहारांवर पोलिसांची करडी नजर असल्याचे स्पष्ट झाले आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
