Breaking News
दापोली : मद्यधुंद कारचालकाची पादचाऱ्यांना धडक, दोघे गंभीर जखमी, कुंभवे शिगवणवाडी येथील घटना देवरुख : आंबव येथे रस्त्याच्या कडेला बेशुद्धावस्थेत आढळला तरुण, उपचारादरम्यान मृत्यू, फिटचा झटका आल्याने डोक्याला दुखापत झाल्याची प्राथमिक माहिती रत्नागिरीच्या कोकणनगरमध्ये घरफोडी, 4 लाख 72 हजारांचे सोन्याचे दागिने आणि रोकड लंपास संगमेश्वर : कडवई प्राथमिक आरोग्य केंद्र समस्यांच्या विळख्यात, धोकादायक इमारतीचा स्लॅब कोसळण्याच्या स्थितीत संगमेश्वर : नाणीज येथे प्रवासादरम्यान प्रकृती बिघडली, 28 वर्षीय तरुणाचा उपचारादरम्यान मृत्यू, मावस बहिणीच्या साखरपुड्यासाठी गेला होता कुटुंबासोबत

गुहागर : कुटगिरी येथे लोखंडी साकव कोसळून बैलाचा मृत्यू, नुकसानग्रस्त शेतकऱ्याला शासकीय मदत सुपूर्द

banner 468x60

मौजे कुटगिरी येथील भैरी शंकर मंदिराजवळील तिजग नदीवरील लोखंडी साकव काल सायंकाळी अचानक कोसळला. या दुर्घटनेत आठ जनावरे अडकली होती. स्थानिक ग्रामस्थांच्या तत्पर मदतीने सर्व आठही जनावरांना सुरक्षित बाहेर काढण्यात यश आले.


या घटनेत दिलीप नारायण लिंगायत यांच्या मालकीचा एक बैल मृत झाला, तर उर्वरित जनावरे किरकोळ जखमी झाली. पशुवैद्यकीय विभागाने तातडीने घटनास्थळी धाव घेत जखमी जनावरांवर उपचार केले तसेच मृत बैलाचे शवविच्छेदन पूर्ण केले.


मृत बैलाच्या नुकसानीपोटी शेतकरी लिंगायत यांना शासनाकडून 32 हजार रुपयांची आर्थिक मदत देण्यात आली. सदर मदतीचा धनादेश आज सकाळी 11.30 वाजता उपविभागीय अधिकारी आकाश लिगाडे, तहसीलदार गुहागर परीक्षित पाटील, मंडळ अधिकारी पाटपन्हाळे अनिल राठोड तसेच ग्राम महसूल अधिकारी यांच्या उपस्थितीत सुपूर्द करण्यात आला.

यावेळी प्रांताधिकारी यांनी जखमी जनावरांवर आवश्यक उपचार सुरू ठेवण्याच्या सूचना पशुवैद्यकीय विभागाला दिल्या.

घटनेनंतर अवघ्या 18 तासांच्या आत नुकसानग्रस्त शेतकऱ्याला शासकीय मदत उपलब्ध करून देण्यात आली.

Leave a Reply

Your email address will not be published. Required fields are marked *