खेड तालुक्यातील भरणे नाका परिसरात कल्याण मटका जुगार सुरू असल्याचे आढळून आल्यानंतर खेड पोलिसांनी कारवाई केली. या प्रकरणी सुहास संजय देशमुख (वय ३५, रा. भरणे, गोवळवाडी, ता. खेड) याच्याविरोधात महाराष्ट्र जुगार प्रतिबंधक कायद्याच्या कलम १२ (अ) अन्वये गुन्हा दाखल करण्यात आला आहे.
पोलिसांनी दिलेल्या माहितीनुसार, सोमवार, दि. २ नोव्हेंबर २०२६ रोजी सकाळी १०.१५ वाजण्याच्या सुमारास भरणे नाका येथे ही कारवाई करण्यात आली. यावेळी आरोपी सुहास देशमुख हा कल्याण मटका जुगारातील शुभ अंकावर पैसे लावून जुगार खेळवत असल्याचे पोलिसांना आढळून आले.
या कारवाईत पोलिसांनी १ हजार २४० रुपये रोख रक्कम आणि जुगार खेळण्यासाठी वापरण्यात येणारे साहित्य असा एकूण १ हजार ३०० रुपयांचा मुद्देमाल जप्त केला.
याप्रकरणी खेड पोलीस ठाण्यात गुन्हा रजिस्टर क्रमांक ३४९/२०२६ नुसार गुन्हा दाखल करण्यात आला आहे. या प्रकरणी महिला पोलीस शिपाई प्रतीक्षा लालबा वाघमारे यांनी फिर्याद दिली आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
