Breaking News
रत्नागिरी : विषारी औषध सेवन केलेल्या करबुडे येथील 55 वर्षीय व्यक्तीचा उपचारादरम्यान मृत्यू संगमेश्वर : एसटी स्थानकाजवळ पुलाखाली बेशुद्ध अवस्थेत आढळलेल्या व्यक्तीचा मृत्यू रत्नागिरी : ब्राऊन हेरॉईनसदृश अंमली पदार्थासह दोघांना अटक, 2.40 लाखांचा मुद्देमाल जप्त, कोकणनगर-शिवरेवाडी मार्गावर स्थानिक गुन्हे अन्वेषण शाखेची मोठी कारवाई चिपळूण : पालकमंत्री उदय सामंत आज चिपळूण दौऱ्यावर, वाशिष्ठी नदीतील गाळ उपशाचा घेणार आढावा, दुपारी शासकीय विश्रामगृहात विशेष बैठक रत्नागिरी : शहराचा दर सोमवारी पाणीपुरवठा बंद, पाणी कपातीचे धोरण पुन्हा लागू, शीळ धरणातील पाणीसाठ्याचे नियोजन करण्यासाठी प्रशासनाचा निर्णय

मंडणगड : निवळी नदी परिसरात अज्ञात व्यक्तीचा मृतदेह आढळला

banner 468x60

मंडणगड तालुक्यातील सुर्ले येथील निवळी नदी परिसरात एका अज्ञात पुरुषाचा मृतदेह आढळून आल्याने खळबळ उडाली आहे. या प्रकरणी मंडणगड पोलीस ठाण्यात अकस्मात मृत्यूची नोंद करण्यात आली असून मृत व्यक्तीची ओळख पटविण्याचे प्रयत्न सुरू आहेत.


पोलिसांकडून मिळालेल्या माहितीनुसार, दि. ११ जून २०२६ रोजी सकाळी सुमारे ११ वाजण्याच्या सुमारास पांडुरंग दशरथ जाधव हे आपल्या कुटुंबीयांसह सुर्ले येथील निवळी नदी परिसरात मासेमारीसाठी गेले होते. नदीतील पाणी कमी झाल्याने ते डोहात मासे पकडत असताना त्यांच्यासोबत असलेला कुत्रा नदीकाठावरील झुडपांच्या दिशेने सतत भुंकत होता.


संशय आल्याने जाधव यांनी कुत्रा भुंकत असलेल्या ठिकाणी जाऊन पाहिले असता, एका अनोळखी पुरुषाचा मृतदेह जमिनीवर पडलेल्या अवस्थेत दिसून आला. मृतदेहावर माशा घोंगावत होत्या तसेच शरीरावर किडे पडल्याचेही निदर्शनास आले. हा प्रकार लक्षात येताच त्यांनी तत्काळ भिंगळोली येथील पोलीस पाटील संतोष मळेकर यांना मोबाईलद्वारे माहिती दिली.


त्यानंतर संबंधित पोलीस पाटलांनी सुर्ले येथील पोलीस पाटलांना याबाबत कळविले. त्यांनी घटनास्थळी व्यक्ती पाठवून खात्री केली. त्यानंतर मंडणगड पोलीस ठाण्यात येऊन याबाबत तक्रार नोंदविण्यात आली.
या तक्रारीच्या आधारे मंडणगड पोलीस ठाण्यात भारतीय नागरिक सुरक्षा संहिता (BNSS) कलम १९४ अन्वये अकस्मात मृत्यू क्रमांक १०/२०२६ दाखल करण्यात आला आहे. मृत व्यक्ती अंदाजे ४५ ते ५५ वयोगटातील पुरुष असून त्याची ओळख अद्याप पटलेली नाही.

मृतदेह शवविच्छेदनासाठी पाठविण्यात आला असून मृत्यूचे नेमके कारण शवविच्छेदन अहवालानंतर स्पष्ट होणार आहे.
दरम्यान, अज्ञात मृत व्यक्तीची ओळख पटविण्यासाठी मंडणगड पोलीसांकडून पुढील तपास सुरू आहे.

Leave a Reply

Your email address will not be published. Required fields are marked *