रत्नागिरी तालुक्यातील करबुडे येथे राहत्या घरासमोर विषारी औषध सेवन केलेल्या ५५ वर्षीय व्यक्तीचा उपचारादरम्यान कोल्हापूर येथे मृत्यू झाला. विजय कृष्णा मोहिते (वय ५५, रा. करबुडे, ता. जि. रत्नागिरी) असे मृत व्यक्तीचे नाव आहे. ही घटना ३१ ऑक्टोबर रोजी घडली होती.
मिळालेल्या माहितीनुसार, ३१ ऑक्टोबर रोजी विजय मोहिते यांनी राहत्या घरासमोर दारूच्या नशेत विषारी औषध सेवन केले. त्यानंतर त्यांना तातडीने उपचारासाठी रत्नागिरी येथील जिल्हा शासकीय रुग्णालयात दाखल करण्यात आले. प्रकृतीच्या पुढील उपचारांसाठी त्याच दिवशी त्यांना कोल्हापूर येथील रुग्णालयात हलविण्यात आले होते.
त्यांच्यावर उपचार सुरू असताना ५ नोव्हेंबर रोजी पहाटे एक वाजण्याच्या सुमारास वैद्यकीय अधिकाऱ्यांनी त्यांना मृत घोषित केले. याबाबतची माहिती डॉक्टर कुणाल भांडूरे यांनी दिलेल्या एमएलसी अहवालावरून रत्नागिरी ग्रामीण पोलीस ठाण्याला प्राप्त झाली.
या प्रकरणी १६ नोव्हेंबर रोजी सायंकाळी ४.२२ वाजता रत्नागिरी ग्रामीण पोलीस ठाण्यात आकस्मिक मृत्यू क्रमांक १०६/२०२६, भारतीय नागरिक सुरक्षा संहिता कलम १९४ अन्वये नोंद करण्यात आली आहे. विजय मोहिते यांच्या मृत्यूची नोंद करून पोलीस पुढील कार्यवाही करीत आहेत.

वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*













