Breaking News
रत्नागिरी : विषारी औषध सेवन केलेल्या करबुडे येथील 55 वर्षीय व्यक्तीचा उपचारादरम्यान मृत्यू संगमेश्वर : एसटी स्थानकाजवळ पुलाखाली बेशुद्ध अवस्थेत आढळलेल्या व्यक्तीचा मृत्यू रत्नागिरी : ब्राऊन हेरॉईनसदृश अंमली पदार्थासह दोघांना अटक, 2.40 लाखांचा मुद्देमाल जप्त, कोकणनगर-शिवरेवाडी मार्गावर स्थानिक गुन्हे अन्वेषण शाखेची मोठी कारवाई चिपळूण : पालकमंत्री उदय सामंत आज चिपळूण दौऱ्यावर, वाशिष्ठी नदीतील गाळ उपशाचा घेणार आढावा, दुपारी शासकीय विश्रामगृहात विशेष बैठक रत्नागिरी : शहराचा दर सोमवारी पाणीपुरवठा बंद, पाणी कपातीचे धोरण पुन्हा लागू, शीळ धरणातील पाणीसाठ्याचे नियोजन करण्यासाठी प्रशासनाचा निर्णय

दापोली : विहिरीत पडलेल्या भेकराची वन विभागाकडून यशस्वी सुटका

banner 468x60

दापोली तालुक्यातील खेर्डी-माळवाडी येथे विहिरीत पडलेल्या एका भेकराची वन विभागाच्या रेस्क्यू पथकाने ग्रामस्थांच्या मदतीने यशस्वी सुटका केली. मात्र, या दुर्घटनेत भेकराच्या पुढील उजव्या पायाला गंभीर दुखापत झाल्याने त्याला पुढील उपचारासाठी पुणे येथील वन्यजीव रेस्क्यू सेंटरमध्ये दाखल करण्यात आले आहे.

खेर्डी-माळवाडी येथील ग्रामस्थ पांडुरंग केळकर यांनी त्यांच्या शेतातील विहिरीत भेकर पडल्याचे निदर्शनास येताच तातडीने दापोली वन विभागाला माहिती दिली. माहिती मिळताच वन विभागाचे रेस्क्यू पथक घटनास्थळी दाखल झाले. स्थानिक ग्रामस्थांच्या सहकार्याने काळजीपूर्वक बचावकार्य राबवून भेकराला सुरक्षितपणे विहिरीतून बाहेर काढण्यात आले.

सुटकेनंतर वन अधिकाऱ्यांनी भेकराची तपासणी केली असता त्याच्या पुढील उजव्या पायाला गंभीर दुखापत झाल्याचे आढळले. त्यानंतर त्याला अधिक उपचारासाठी पुणे येथील वन्यजीव रेस्क्यू सेंटरमध्ये पाठविण्यात आले असून त्याच्यावर आवश्यक वैद्यकीय उपचार सुरू आहेत.

या घटनेनिमित्त वन विभागाने नागरिकांना आवाहन केले आहे की, जखमी, अनाथ किंवा संकटात सापडलेले कोणतेही वन्यजीव आढळल्यास स्वतःहून त्यांना हाताळण्याचा प्रयत्न करू नये. अशा वेळी तात्काळ ‘हॅलो फॉरेस्ट १९२६’ या हेल्पलाईनवर किंवा वनक्षेत्रपाल, दापोली कार्यालयाशी संपर्क साधावा, जेणेकरून प्रशिक्षित रेस्क्यू पथकाच्या माध्यमातून वन्यजीवांची सुरक्षित सुटका आणि उपचार करता येतील.

Leave a Reply

Your email address will not be published. Required fields are marked *