दापोली तालुक्यातील आघारी-भुंडावड परिसरात 54 वर्षीय व्यक्ती बेशुद्धावस्थेत आढळून आल्यानंतर उपजिल्हा रुग्णालयात उपचारासाठी दाखल करण्यात आले. मात्र, वैद्यकीय अधिकाऱ्यांनी तपासणी केल्यानंतर त्यांना मृत घोषित केले. या घटनेची नोंद दाभोळ पोलिस ठाण्यात BNSS कलम १९४ अन्वये आकस्मिक मृत्यू म्हणून करण्यात आली आहे.
मृत व्यक्तीचे नाव विनोद विश्राम काष्टे (वय ५४ वर्षे, रा. आघारी, पोस्ट पंचनदी, ता. दापोली, जि. रत्नागिरी) असे आहे.
पोलिसांकडून मिळालेल्या माहितीनुसार, विनोद काष्टे हे २३ सप्टेंबर रोजी दुपारी सुमारे ३ वाजता घरातून बाहेर पडले होते. त्यानंतर ते घरी परतले नाहीत. दरम्यान, दुसऱ्या दिवशी म्हणजेच २४ सप्टेंबर रोजी सकाळी सुमारे ८.३० वाजण्याच्या सुमारास आघारी-भुंडावड परिसरात ते पडलेल्या अवस्थेत आढळून आले.
त्यांच्यामध्ये कोणतीही हालचाल होत नसल्याचे लक्षात आल्यानंतर त्यांना तातडीने उपजिल्हा रुग्णालय, दापोली येथे दाखल करण्यात आले. रुग्णालयातील वैद्यकीय अधिकाऱ्यांनी त्यांची तपासणी केली. मात्र, तपासणीनंतर २४ सप्टेंबर रोजी दुपारी ३ वाजता विनोद विश्राम काष्टे यांना मृत घोषित करण्यात आले.
या घटनेची माहिती त्यांच्या नातेवाईकांकडून पोलिसांना देण्यात आली. त्यानुसार दाभोळ पोलिस ठाण्यात आकस्मिक मृत्यू क्रमांक ११/२०२६ अशी नोंद करण्यात आली आहे. या घटनेची अधिकृत नोंद २६ सप्टेंबर रोजी सायंकाळी ६.३९ वाजता करण्यात आली.
विनोद काष्टे यांचा मृत्यू नेमका कोणत्या कारणामुळे झाला, याबाबतची माहिती अद्याप स्पष्ट झालेली नाही. पोलिसांकडून घटनेची नोंद करून पुढील कायदेशीर प्रक्रिया सुरू करण्यात आली आहे. मृत्यूचे नेमके कारण वैद्यकीय तपासणी व संबंधित अहवालानंतर स्पष्ट होण्याची शक्यता आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
