तालुक्यातील पिंपळी येथील पती-पत्नीने आत्महत्या केल्याची घटना मंगळवारी उघडकीस आली आहे.
यापैकी पत्नीचा मृतदेह चिपळूण शहरानजीकच्या खेर्डी येथील वाशिष्ठी नदीपात्रात, तर पतीचा मृतदेह पिंपळी येथे त्यांच्या राहत्या घरी आढळून आला.
या आत्महत्यामागचे कारण समोर आलेले नाही. शरद पाटील (वय ४२), स्वाती शरद पाटील (४०, दोघेही सध्या राहणार पिंपळी) असे आत्महत्या केलेल्या मृत पती-पत्नीचे नाव आहे.
शरद पाटील व पत्नी स्वाती पाटील हे दोघे काही दिवसांपासून पिंपळी येथे भाड्याने रहात होते. शरद पाटील यांना कंबरेच्याखाली अपंगत्व आल्याने ते घरीच होते. तर स्वाती पाटील या घरकाम करीत असत.
दरम्यान, शरद पाटील यांनी घरीच विष प्राशन करून आत्महत्या केली, तर पत्नीने वाशिष्ठी नदीत उडी घेऊन आत्महत्या केल्याचे सांगण्यात येत आहे.
मंगळवारी सायंकाळी उशिरा पत्नीचा मृतदेह खेर्डी येथील वाशिष्ठी नदीपात्रात आढळून आला. या आत्महत्या कोणत्या कारणातून झाल्या हे अद्याप स्पष्ट झाले नसून पोलिस अधिक तपास करीत आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
