शहरातील एका कनिष्ठ महाविद्यालयात शिकणाऱ्या दोन अल्पवयीन शाळकरी मुलींचे अपहरण झाल्याची तक्रार पोलीस स्थानकात दाखल झाल्यानंतर पोलीस निरीक्षक नितीन भोयर यांनी तपासाची चक्रे वेगाने फिरवली.
शोधमोहिमेनंतर मडगाव येथून दोन्ही अल्पवयीन शाळकरी मुलींना ताब्यात घेवून त्यांच्या पालकांच्या स्वाधीन करण्यात आले. खेड पोलिसांच्या तत्परतेचे सर्वच स्तरांतून कौतुक होत आहे.
शहरातील एका कनिष्ठ महाविद्यालयात शिकणाऱ्या १६ व १३ वयोगटातील दोन शाळकरी मुली घरी परतल्या नव्हत्या. या दोघींचा बाजारपेठेसह रेल्वेस्थानक, बसस्थानक, भरणे, खवटी व आजूबाजूच्या परिसरात शोध घेवूनही थांगपत्ता लागला नव्हता. अखेर एका मुलीच्या पालकाने अपहरण झाल्याची तक्रार पोलीस स्थानकात नोंदवली होती.
पोलीस निरीक्षक नितीन भोयर यांनी ही बाब गांभिर्याने घेत तपासाला गती दिली. या दोन्ही मुली गोवा बघण्यासाठी रेल्वेगाडीने मडगाव येथे गेल्या होत्या. पोलिसांच्या सतर्कतेने या दोन्ही मुलींना तेथून ताब्यात घेत त्यांचे समूपदेशन करून पालकांच्या स्वाधीन करण्यात आले.
जिल्हा पोलीस अधीक्षक धनंजय कुलकर्णी, पोलीस उपविभागीय अधिकारी राजन सस्ते यांच्या मार्गदर्शनाखाली पोलीस निरीक्षक नितीन भोयर व पथकाने कामगिरी यशस्वी पणे केली.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
