बेदरकारपणे दुचाकी चालवून दुसऱ्या दुचाकीला धडक देत अपघात केला.
यात दुचाकीवरील तरुणाला गंभीर दुखापत झाली असून ही घटना रविवारी २९ ऑक्टोबर रोजी दुपारी १.१५ वा. सावरकर नाट्यगृह ते लोटलीकर हॉस्पिटल जाणाऱ्या रस्त्यावर घडली आहे.
या प्रकरणी साईराज रमेश भाटकर (रा. एमआयडीसी, रत्नागिरी) याच्या विरोधात शहर पोलिस ठाण्यात गुन्हा दाखल करण्यात आला आहे तर या अपघातात अफान अब्दुल्ला फक्रुद्दीन मुल्ला (२२, रा. मजगाव रोड, रत्नागिरी) याला गंभीर दुखापत झाली आहे. याबाबत त्याचा भाऊ फारुख मुल्ला (२४) याने शहर पोलिस ठाण्यात तक्रार दिली आहे.
त्यानुसार, रविवारी दुपारी त्याचा भाऊ अफान हा आपल्या ताब्यातील बुलेट दुचाकी घेऊन सावरकर नाट्यगृह ते लोटलीकर हॉस्पिटलमधील रस्त्यावरून जात असताना साईराज भाटकरने त्याच्या दुचाकीला धडक देत अपघात केला. यात अफान गाडीवरून खाली पडून त्याच्या उजव्या पायाला प्रक्चर झाले आहे.
हा अपघात केल्यानंतर साईराज तिथून निघून गेला होता. या प्रकरणी त्याच्याविरोधात भा. दं. वि. कायदा कलम २७९, ३३७, ३३८ मोटार वाहन कायदा कलम १८४, १३४ / १८७ प्रमाणे गुन्हा दाखल करण्यात आला आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
