शहरातील जिल्हा परिषद जवळील शंखेश्वर पार्कमध्ये दाम्पत्याने तरुणीच्या घरात घुसून तिच्या वडिलांशी वाद घालत तिला मारहाण केली.
ही घटना शनिवार २८ ऑक्टोबर रोजी दुपारी २ वा. घडली असून या बाबत शहर पोलिस ठाण्यात दाम्पत्याविरोधात गुन्हा दाखल करण्यात आला आहे.
समीर रहाटे आणि रसिका समीर रहाटे (दोन्ही रा. शंखेश्वर पार्क डी – १८, रत्नागिरी) असे गुन्हा दाखल करण्यात आलेल्या दाम्पत्याचे नाव आहे. त्यांच्या विरोधात सिमरन संजय नलावडे (२१, रा. शंखेश्वर पार्क, रत्नागिरी) हिने शहर पोलिस ठाण्यात तक्रार दिली आहे. त्यानुसार, शनिवारी दुपारी २ वा. रहाटे दाम्पत्य नलावडे यांच्या फलॅटमध्ये घुसले.
त्यानंतर सिमरनच्या वडिलांना तू माझ्या मुलाला किडनॅप करतोस का असे बोलून त्यांच्याशी वाद घालू लागले. दरम्यान, रसिका रहाटे हिने सिमरन नलावडेच्या अंगावर धावत जाऊन हाताच्या नखांनी तिच्या गळ्याजवळ ओरबाडून मारहाण केली.
तसेच समीर रहाटेने तिचे केस ओढून डोके भिंतीवर आपटून मी दगडी चाळीतून आलो आहे. तुम्हाला चांगलाच धडा शिकवेन, अशी धमकी दिली. या प्रकरणी संशयितांविरोधात शहर पोलिस ठाण्यात भादंवि कायदा कलम ४५२, ३५२, ३२३,५०६ अन्वये गुन्हा दाखल करण्यात आला आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
