Breaking News
रत्नागिरी : विषारी औषध सेवन केलेल्या करबुडे येथील 55 वर्षीय व्यक्तीचा उपचारादरम्यान मृत्यू संगमेश्वर : एसटी स्थानकाजवळ पुलाखाली बेशुद्ध अवस्थेत आढळलेल्या व्यक्तीचा मृत्यू रत्नागिरी : ब्राऊन हेरॉईनसदृश अंमली पदार्थासह दोघांना अटक, 2.40 लाखांचा मुद्देमाल जप्त, कोकणनगर-शिवरेवाडी मार्गावर स्थानिक गुन्हे अन्वेषण शाखेची मोठी कारवाई चिपळूण : पालकमंत्री उदय सामंत आज चिपळूण दौऱ्यावर, वाशिष्ठी नदीतील गाळ उपशाचा घेणार आढावा, दुपारी शासकीय विश्रामगृहात विशेष बैठक रत्नागिरी : शहराचा दर सोमवारी पाणीपुरवठा बंद, पाणी कपातीचे धोरण पुन्हा लागू, शीळ धरणातील पाणीसाठ्याचे नियोजन करण्यासाठी प्रशासनाचा निर्णय

चिपळूण : पालकमंत्री उदय सामंत आज चिपळूण दौऱ्यावर, वाशिष्ठी नदीतील गाळ उपशाचा घेणार आढावा, दुपारी शासकीय विश्रामगृहात विशेष बैठक

banner 468x60

राज्याचे उद्योग, गुंतवणूक, सेवा व मराठी भाषा मंत्री तथा रत्नागिरी जिल्ह्याचे पालकमंत्री डॉ. उदय सामंत आज, मंगळवार १७ नोव्हेंबर रोजी चिपळूण दौऱ्यावर येत आहेत. या दौऱ्यात वाशिष्ठी नदीसह रत्नागिरी जिल्ह्यातील अन्य नद्यांमधील गाळ उपशाबाबत आयोजित विशेष आढावा बैठकीला ते उपस्थित राहणार आहेत. त्यामुळे वाशिष्ठी नदीतील गाळ उपशाच्या कामासंदर्भात या बैठकीत काय चर्चा होते, याकडे चिपळूणकरांचे लक्ष लागले आहे.

प्राप्त दौऱ्याच्या कार्यक्रमानुसार, दुपारी २.३० वाजता पालकमंत्री डॉ. उदय सामंत मुंबई येथून हेलिकॉप्टरने सावर्डेकडे प्रयाण करतील. दुपारी ३.३० वाजता सह्याद्री शिक्षण संस्था, सावर्डे येथील हेलिपॅडवर त्यांचे आगमन होईल. त्यानंतर ते मोटारीने चिपळूण येथील शासकीय विश्रामगृहाकडे रवाना होतील.

दुपारी ४ वाजता शासकीय विश्रामगृह येथे वाशिष्ठी नदीतील तसेच रत्नागिरी जिल्ह्यातील इतर नद्यांमधील गाळ काढण्यासंदर्भात विशेष आढावा बैठक आयोजित करण्यात आली आहे. या बैठकीत नदीतील गाळ उपशाच्या कामाचा आढावा आणि संबंधित विषयांवर चर्चा होणार आहे.

यानंतर सायंकाळी ५ वाजता पालकमंत्री गोवळकोट येथे आयोजित शेतकऱ्यांना बीज वाटप कार्यक्रमाला उपस्थित राहतील. हिंदुहृदयसम्राट वंदनीय बाळासाहेब ठाकरे यांच्या पुण्यतिथीनिमित्त चिपळूण शिवसेनेच्या वतीने या कार्यक्रमाचे आयोजन करण्यात आले आहे. चिपळूण नगरपरिषदेचे नगराध्यक्ष उमेश सकपाळ यांच्या संदर्भाने हा कार्यक्रम आयोजित करण्यात आला आहे.

त्यानंतर सायंकाळी ७ वाजता अलोरे येथील करमणूक केंद्रात विनोद झगडे यांच्या सुवर्णमहोत्सवी वाढदिवसानिमित्त आयोजित अभिष्टचिंतन सोहळ्याला डॉ. सामंत उपस्थित राहणार आहेत.

दौऱ्यातील सर्व कार्यक्रम आटोपल्यानंतर रात्री १२.५० वाजता चिपळूण रेल्वे स्थानकावरून कोकणकन्या एक्स्प्रेस (गाडी क्रमांक २०११२) ने ते मुंबईकडे प्रयाण करणार आहेत.

पालकमंत्र्यांच्या या दौऱ्यात वाशिष्ठी नदीतील गाळ उपशाच्या प्रश्नावर होणाऱ्या आढावा बैठकीला विशेष महत्त्व प्राप्त झाले आहे.