गणेशोत्सवासाठी कोकणात जाणाऱ्या चाकरमान्यांच्या आग्रहाला सकारात्मक प्रतिसाद देत ‘मोदी एक्स्प्रेस’च्या प्रवासाच्या तारखांमध्ये बदल करण्यात आला आहे. आता ११ आणि १३ सप्टेंबर रोजी सकाळी १०.३० वाजता दादर रेल्वे स्थानकाच्या प्लॅटफॉर्म क्रमांक १४ वरून ‘मोदी एक्स्प्रेस’ कोकणाच्या दिशेने रवाना होणार असल्याची माहिती मत्स्यव्यवसाय व बंदरे विकास मंत्री तथा सिंधुदुर्ग जिल्ह्याचे पालकमंत्री नितेश राणे यांनी दिली.
गणेशोत्सवासाठी कोकणात जाणाऱ्या चाकरमान्यांच्या सोयीसाठी दरवर्षी ‘मोदी एक्स्प्रेस’ची व्यवस्था करण्यात येते. यंदा यापूर्वी ९ आणि ११ सप्टेंबर रोजी या विशेष रेल्वे गाड्या सोडण्याचे जाहीर करण्यात आले होते. मात्र, या तारखांमध्ये बदल करण्याची मागणी चाकरमान्यांकडून करण्यात आली होती.
चाकरमान्यांच्या मागणीचा विचार करून आता ‘मोदी एक्स्प्रेस’ ११ आणि १३ सप्टेंबर रोजी सोडण्याचा निर्णय घेण्यात आला आहे. दोन्ही गाड्या सकाळी १०.३० वाजता दादर स्थानकाच्या प्लॅटफॉर्म क्रमांक १४ वरून कोकणाच्या दिशेने रवाना होतील.
गणेशोत्सवाच्या काळात चाकरमान्यांना आनंददायी आणि उत्साहपूर्ण वातावरणात कोकणात पोहोचता यावे, या उद्देशाने या विशेष रेल्वेची व्यवस्था करण्यात आली आहे. प्रवासासाठी इच्छुक चाकरमान्यांनी भारतीय जनता पक्षाच्या मंडळ अध्यक्षांशी संपर्क साधून तिकिटांचे बुकिंग लवकरात लवकर करून घ्यावे, असे आवाहन मंत्री नितेश राणे यांनी केले आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
