रत्नागिरी तालुक्यातील पोमेंडी बुद्रुक ते निवसर रेल्वे स्थानकादरम्यान रेल्वे मार्गावर एका अनोळखी पुरुषाचा छिन्नविछिन्न अवस्थेतील मृतदेह आढळून आल्याने परिसरात खळबळ उडाली आहे. या प्रकरणी रत्नागिरी ग्रामीण पोलीस ठाण्यात भारतीय नागरिक सुरक्षा संहिता (बीएनएसएस) कलम १९४ अन्वये बेवारस मृत्यूची नोंद करण्यात आली आहे.
पोलिसांकडून मिळालेल्या माहितीनुसार, रविवारी (२ ऑगस्ट) सायंकाळी सुमारे ६.५० वाजण्याच्या सुमारास निवसर रेल्वे स्थानकाचे स्टेशन मास्तर यांनी रत्नागिरी रेल्वे स्थानकावर कर्तव्यावर असलेले कर्मचारी राजेंद्र सिंह मनेश्वर चौहान यांना दूरध्वनीद्वारे पोमेंडी बुद्रुक ते निवसर दरम्यान कि.मी. २०८/४-५ येथे एक व्यक्ती मृतावस्थेत पडल्याची माहिती दिली. त्यानंतर ही माहिती रत्नागिरी ग्रामीण पोलीस ठाण्याला कळविण्यात आली.
घटनास्थळी पोलीस पथक पोहोचले असता अंदाजे ३१ ते ३५ वर्षे वयोगटातील एका अनोळखी पुरुषाचा छिन्नविछिन्न अवस्थेतील मृतदेह रेल्वे मार्गावर आढळून आला. मृताची ओळख अद्याप पटलेली नसून मृतदेह उत्तरीय तपासणीसाठी पाठविण्यात आला आहे.
या प्रकरणी २ ऑगस्ट रोजी रात्री ११.१६ वाजता बेवारस मृत्यूची नोंद करण्यात आली असून मृताची ओळख पटविणे तसेच मृत्यूचे नेमके कारण शोधण्यासाठी रत्नागिरी ग्रामीण पोलीस अधिक तपास करत आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
