संगमेश्वर तालुक्यातील तेर्ये गेल्येवाडी येथील २५ वर्षीय प्रशांत नारायण गेल्ये याचा विषारी द्रव्य प्राशन केल्याने दुर्दैवी मृत्यू झाला.
पोलिसांनी दिलेल्या माहितीनुसार, १६ जुलै २०२५ रोजी सकाळी ७.४५ वाजता कणकवली येथील डॉ. नागवेकर हॉस्पिटलमध्ये त्याने अखेरचा श्वास घेतला. १३ जुलै २०२५ रोजी प्रशांत संगमेश्वर बाजारात गेला असताना त्याने कोणतेतरी अज्ञात विषारी द्रव्य प्राशन केले.
त्यानंतर त्याला अस्वस्थ वाटू लागल्याने तातडीने कसबा येथील ग्रामीण रुग्णालयात दाखल करण्यात आले. प्रकृती अधिक बिघडल्याने नातेवाईकांनी त्याला पुढील उपचारांसाठी कोल्हापूर येथील ॲस्टर आधार हॉस्पिटलमध्ये हलवले.
परंतु, उपचारांना प्रतिसाद मिळत नसल्याने त्याला कणकवली, सिंधुदुर्ग येथील डॉ. नागवेकर हॉस्पिटलमध्ये दाखल करण्यात आले. तिथे त्याच्यावर उपचार सुरु असतानाच १६ जुलै २०२५ रोजी सकाळी ७.४५ वाजता त्याची प्राणज्योत मालवली. पोलिसांनी या घटनेची नोंद घेतली असून, पुढील तपास सुरू आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
