खेड तालुक्यातील काडवली-केळणे मार्गावर रविवारी मध्यरात्रीच्या सुमारास दोन बैलांची बेकायदेशीररित्या वाहतूक करणारी बोलेरो पिकअप व्हॅन ग्रामस्थांच्या मदतीने पकडली. नितीन गंगाराम चव्हाण (35 रा. आंबडस-खेड) याला ताब्यात घेण्यात आले. 20 हजार रूपये किंमतीच्या दोन बैलांसह 4 लाखांची बोलेरो पिकअप व्हॅन पोलिसांनी हस्तगत केली.
नितीन चव्हाण हा बोलेरो (एम.एच. 11 बी.एल. 3431) पिकअप व्हॅनमधून दोन बैलांची बेकायदेशीरपणे वाहतूक करत असल्याची माहिती ग्रामस्थांना मिळताच सापळा रचला. या बाबत वावे पोलीस दूरक्षेत्राचे पोलीस उपनिरीक्षक रवींद्र शिंदे यांना खबर दिल्यानंतर सहकाऱ्यांसमवेत काडवली-केळणे मार्गावर पोहचले.
या मार्गावर बोलेरो पिकअप व्हॅनची पोलिसांनी झडती घेतली असत आढळले. संशयिताकडे विचारणा केल्यानंतर सुरुवातीला उडवाउडवीचे उत्तरे दिली. पोलिसांनी दोन बैलांसह बोलेरो व्हॅन जप्त करत येथील पोलीस ठाण्याच्या आवारात आणली. आवारातील एका झाडाखाली बांधून ठेवण्यात आलेल्या दोन्ही बैलांची तालुका पशुवैद्यकीय अधिकाऱ्यांमार्फत तपासणी करण्यात आली. बैलांना पाणी व चाराही देण्यात आला.
बेकायदेशीरपणे बैलांची वाहतूक केल्याचा ठपका ठेवत पोलीस कॉन्स्टेबल विशाल भोसले यांनी दिलेल्या तक्रारीनुसार संशयितावर येथील पोलीस ठाण्यात गुन्हा दाखल करण्यात आला. अधिक तपास सहाय्यक पोलीस निरीक्षक संजय पाटील यांच्या मार्गदर्शनाखाली पोलीस उपनिरीक्षक रवींद्र शिंदे करत आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
