रत्नागिरी : सागरी सुरक्षेच्या दृष्टीने रत्नागिरी जिल्हा पोलीस दलातील क्विक रिस्पॉन्स टीम (QRT) च्या १८ जवानांना बोट सेलिंगचे प्रशिक्षण देण्यात आले. सागरी किनारपट्टीवरील आपत्कालीन परिस्थितींना प्रभावीपणे सामोरे जाणे, तसेच जवानांची कार्यक्षमता आणि सागरी मोहिमांसाठी आवश्यक कौशल्ये वाढविण्याच्या उद्देशाने हा उपक्रम राबविण्यात आला.
२ महाराष्ट्र नेव्हल युनिट (एनसीसी), रत्नागिरी यांच्या वतीने आयोजित करण्यात आलेल्या ‘The Most Enterprising Naval Unit (MENU-27) Camp’ अंतर्गत हे प्रशिक्षण देण्यात आले. दिनांक ७ ते १३ ऑक्टोबर २०२६ या कालावधीत भाट्ये समुद्रकिनारी आयोजित या शिबिरात रत्नागिरी जिल्हा पोलीस दलातील १८ जवानांनी सहभाग घेतला. या प्रशिक्षणादरम्यान जवानांना बोट सेलिंगचे प्रात्यक्षिक प्रशिक्षण देण्यात आले.
रत्नागिरी जिल्ह्याला विस्तीर्ण समुद्रकिनारा लाभला असून, सागरी सुरक्षा, आपत्कालीन परिस्थिती आणि विशेष मोहिमांच्या अनुषंगाने पोलीस जवानांना विविध कौशल्यांचे प्रशिक्षण मिळणे महत्त्वाचे आहे. समुद्रातील प्रतिकूल परिस्थितीचा सामना करणे, सागरी क्षेत्रातील हालचालींसाठी आवश्यक कौशल्ये विकसित करणे आणि गरज भासल्यास बचावकार्य व आपत्कालीन प्रतिसाद अधिक प्रभावीपणे पार पाडणे, या दृष्टीने अशा प्रशिक्षण उपक्रमांना विशेष महत्त्व आहे.
रत्नागिरी जिल्हा पोलीस अधीक्षक नितीन दत्तात्रय बगाटे आणि अपर पोलीस अधीक्षक बी. बी. महामुनी यांच्या मार्गदर्शनाखाली या प्रशिक्षणात जवानांनी सहभाग घेतला. या शिबिरासाठी २ महाराष्ट्र नेव्हल युनिट (एनसीसी), रत्नागिरीचे डेप्युटी कॅम्प कमांडंट विशाल भोसले, तसेच रत्नागिरी पोलीस दलाच्या सुरक्षा शाखेचे प्रभारी अधिकारी सहायक पोलीस निरीक्षक कुलदीप यादव यांच्यासह पोलीस अधिकारी व अंमलदार उपस्थित होते.
या प्रशिक्षणामुळे रत्नागिरी जिल्हा पोलीस दलातील QRT जवानांना सागरी परिस्थितीत काम करण्यासाठी आवश्यक कौशल्ये आत्मसात करण्याची संधी मिळाली असून, किनारपट्टी भागातील सुरक्षा व्यवस्था अधिक सक्षम करण्याच्या दृष्टीने हा उपक्रम महत्त्वपूर्ण ठरणार आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
