रत्नागिरी : रत्नागिरी तालुक्यातील शिवार आंबेरे येथे पतीसोबत झालेल्या घरगुती वादातून उंदीर मारण्याचे औषध प्राशन केलेल्या ३१ वर्षीय महिलेचा उपचारादरम्यान मृत्यू झाला. मधुरा मनोज मेस्त्री असे मृत महिलेचे नाव असून, मुंबई येथील नायर रुग्णालयात उपचार सुरू असताना १० ऑक्टोबर रोजी पहाटे ४.४५ वाजता तिची प्राणज्योत मालवली.
मिळालेल्या माहितीनुसार, मधुरा मेस्त्री यांनी ४ ऑक्टोबर २०२६ रोजी शिवार आंबेरे येथील राहत्या घरी पतीसोबत झालेल्या घरगुती वादातून उंदीर मारण्याचे औषध प्राशन केले होते. त्यानंतर त्यांना उपचारासाठी रत्नागिरीतील सिव्हिल रुग्णालयात दाखल करण्यात आले होते.
प्रकृतीच्या पुढील उपचारांसाठी ८ ऑक्टोबर रोजी त्यांना मुंबईतील नायर रुग्णालयात हलविण्यात आले. मात्र, उपचार सुरू असताना १० ऑक्टोबर रोजी पहाटे त्यांचा मृत्यू झाल्याचे वैद्यकीय अधिकाऱ्यांनी घोषित केले.
या प्रकरणाची नोंद पूर्णगड पोलीस ठाण्यात अकस्मात मृत्यू क्रमांक ३९/२०२६ अन्वये भारतीय नागरिक सुरक्षा संहितेच्या कलम १९४ प्रमाणे करण्यात आली आहे. १५ ऑक्टोबर २०२६ रोजी दुपारी १.३४ वाजता या घटनेची नोंद करण्यात आली.
या घटनेमुळे शिवार आंबेरे परिसरात हळहळ व्यक्त होत आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
