रत्नागिरी तालुक्यातील जैतापूरनजीक समुद्रात बोटीवर मासेमारी करत असताना एका ४८ वर्षीय खलाशाला समुद्री सापाने दंश केल्याची घटना ३० सप्टेंबर रोजी सकाळी घडली. सर्पदंश झाल्यानंतर त्याला तातडीने प्राथमिक उपचार देऊन पुढील उपचारांसाठी रत्नागिरी येथील जिल्हा शासकीय रुग्णालयात हलविण्यात आले असून, सध्या त्याच्यावर उपचार सुरू आहेत.
संदेश मादू राणजे (वय ४८, रा. कलासरी-वरचापाडा, जि. पालघर) असे समुद्री सापाच्या दंशामुळे जखमी झालेल्या खलाशाचे नाव आहे.
मिळालेल्या माहितीनुसार, ३० सप्टेंबर रोजी सकाळी सुमारे ६ वाजण्याच्या सुमारास संदेश राणजे हे जैतापूरनजीक समुद्रात बोटीवर मासेमारीचे काम करत होते. मासेमारी सुरू असतानाच अचानक एका समुद्री सापाने त्यांना दंश केला.
समुद्रातच सर्पदंश झाल्याने बोटीवरील सहकाऱ्यांनी तातडीने त्यांना उपचारासाठी किनाऱ्यावर आणले. त्यानंतर संदेश राणजे यांना जैतापूर प्राथमिक आरोग्य केंद्रात दाखल करण्यात आले. तेथे त्यांच्यावर प्राथमिक उपचार करण्यात आले.
मात्र सर्पदंश झाल्याने पुढील वैद्यकीय उपचारांची आवश्यकता लक्षात घेऊन त्यांना रत्नागिरी येथील जिल्हा शासकीय रुग्णालयात हलविण्यात आले. सध्या संदेश राणजे यांच्यावर जिल्हा रुग्णालयात वैद्यकीय अधिकाऱ्यांच्या देखरेखीखाली उपचार सुरू आहेत.
दरम्यान, या घटनेची रत्नागिरी जिल्हा शासकीय रुग्णालयातील पोलीस चौकीत रीतसर नोंद करण्यात आली आहे. समुद्रात मासेमारी करताना घडलेल्या या अनपेक्षित घटनेमुळे खलाशांमध्येही चिंता व्यक्त करण्यात येत आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
