पदव्युत्तर व्यवस्थापन शिक्षण घेऊ इच्छिणाऱ्या विद्यार्थ्यांसाठी एक महत्त्वाची संधी उपलब्ध झाली असून AIMS (Association of Indian Management Schools) मार्फत घेण्यात येणाऱ्या ATMA 2026 (AIMS Test for Management Admissions) या राष्ट्रीय स्तरावरील प्रवेश परीक्षेसाठी अर्ज प्रक्रिया सध्या सुरू आहे. या परीक्षेसाठी अर्ज करण्याची अंतिम तारीख १९ एप्रिल २०२६ असल्याने इच्छुक विद्यार्थ्यांनी विलंब न करता अर्ज करण्याचे आवाहन करण्यात आले आहे.
ATMA ही देशभरात मान्यताप्राप्त प्रवेश परीक्षा असून ती उत्तीर्ण झाल्यानंतर विद्यार्थ्यांना MBA (Master of Business Administration) तसेच MMS (Master of Management Studies) या दोन वर्षांच्या पदव्युत्तर अभ्यासक्रमांसाठी प्रवेश घेण्याची संधी मिळते. व्यवस्थापन क्षेत्रात करिअर करू इच्छिणाऱ्या विद्यार्थ्यांसाठी ही परीक्षा अत्यंत उपयुक्त ठरत असून विविध नामांकित व्यवस्थापन महाविद्यालयांचे दरवाजे या माध्यमातून खुले होतात.
दरम्यान, राज्य सामायिक प्रवेश परीक्षा (MAH-CET) देता न आलेल्या विद्यार्थ्यांसाठी ATMA ही एक प्रभावी पर्यायी संधी म्हणून पुढे आली आहे. विशेषतः कोकण विभागातील ग्रामीण व निमशहरी भागातील विद्यार्थ्यांसाठी ही परीक्षा मोठा दिलासा देणारी ठरत आहे.
ATMA परीक्षा उत्तीर्ण झाल्यानंतर विद्यार्थ्यांना CAP Round (Centralized Admission Process) द्वारे महाराष्ट्रातील विविध मान्यताप्राप्त व्यवस्थापन संस्थांमध्ये प्रवेश घेता येतो. यामुळे राखीव प्रवर्गातील विद्यार्थ्यांना शासनाच्या विविध शिष्यवृत्ती योजना व सवलतींचाही लाभ घेता येतो.
घरडा इन्स्टिट्यूट ऑफ टेक्नॉलॉजी येथे मागील वर्षापासून MMS हा पदव्युत्तर अभ्यासक्रम सुरू करण्यात आला असून “Quality Education at Affordable Cost” या संकल्पनेवर आधारित हा अभ्यासक्रम विद्यार्थ्यांना परवडणाऱ्या शुल्कात दर्जेदार शिक्षण देण्यावर भर देतो. मुंबई विद्यापीठाच्या राष्ट्रीय शैक्षणिक धोरण (NEP 2020) अंतर्गत मान्यताप्राप्त असलेल्या या अभ्यासक्रमासाठी एकूण ६० प्रवेश क्षमता निश्चित करण्यात आली आहे.
पदवीधर तसेच अंतिम वर्षात शिक्षण घेत असलेले विद्यार्थी ATMA परीक्षा देऊन आगामी शैक्षणिक वर्षासाठी प्रवेश मिळवू शकतात. यासंदर्भात प्राचार्य डॉ. प्रमोद पाटील यांनी विद्यार्थ्यांनी या संधीचा लाभ घ्यावा, असे आवाहन केले आहे.
दरम्यान, परीक्षेच्या महत्त्वाच्या तारखाही जाहीर करण्यात आल्या आहेत. अर्ज करण्याची अंतिम तारीख १९ एप्रिल २०२६ असून परीक्षा ३ मे २०२६ रोजी होणार आहे. तसेच निकाल ९ मे २०२६ रोजी जाहीर केला जाणार आहे.
अधिक माहितीसाठी इच्छुक विद्यार्थ्यांनी ९८६०१ ९५९९६ या क्रमांकावर संपर्क साधावा, असे आवाहन करण्यात आले आहे. व्यवस्थापन क्षेत्रात उज्ज्वल भवितव्य घडवू इच्छिणाऱ्या विद्यार्थ्यांसाठी ही संधी अत्यंत उपयुक्त ठरणार आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
