मंडणगड पोलिसांनी दारुबंदी कायद्याअंतर्गत वेगवेगळ्या ठिकाणी कारवाई करत एका व्यक्तीवर बेकायदेशीर दारूसाठा प्रकरणी तर दोन व्यक्तींवर मद्यधुंद अवस्थेत सार्वजनिक ठिकाणी आढळल्याप्रकरणी गुन्हे दाखल केले आहेत.
कुंबळे गावात एका घराच्या आडोशाला बेकायदेशीररीत्या देशी दारू विक्रीसाठी साठवून ठेवल्याची माहिती मिळाल्यानंतर पोलिसांनी छापा टाकला. यावेळी समीर सत्यवान गायकवाड (वय ३५, रा. कुंबळे, ता. मंडणगड) याच्या ताब्यातून १८० मिली मापाच्या जी.एम. संत्रा ब्रँडच्या ९ प्लास्टिकच्या बाटल्या जप्त करण्यात आल्या. जप्त दारूची किंमत ७२० रुपये असून त्याच्याविरोधात महाराष्ट्र दारुबंदी कायदा कलम ६५(ई) अन्वये गुन्हा क्रमांक ६४/२०२६ दाखल करण्यात आला आहे.
त्यानंतर मंडणगड बाजारपेठेतील दरिपकर देशी बारसमोरील सार्वजनिक रस्त्यावर योगेश परशुराम काप (वय ३६, रा. पालघर, ता. मंडणगड) हा मद्यधुंद अवस्थेत आढळून आला. त्याच्याविरुद्ध महाराष्ट्र दारुबंदी कायदा कलम ८४ नुसार गुन्हा क्रमांक ६७/२०२६ दाखल करण्यात आला.
याच दिवशी रात्री पाट रोड येथील धकुली देशी बारसमोरील सार्वजनिक रस्त्यावर जिगर सूर्यकांत सालेकर (वय ४१, रा. शेनाळे, ता. मंडणगड) हा देखील मद्यधुंद अवस्थेत सार्वजनिक ठिकाणी आढळल्याने त्याच्याविरुद्ध महाराष्ट्र दारुबंदी कायदा कलम ८४ अंतर्गत गुन्हा क्रमांक ६८/२०२६ नोंदविण्यात आला.
या तिन्ही प्रकरणांचा पुढील तपास मंडणगड पोलीस करीत आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
