संगमेश्वर तालुक्यातील मयुरबाग लोवले येथील १२ वर्षीय मुलगा बेपत्ता झाल्याची घटना समोर आली आहे. याप्रकरणी वडील संतोष काशीराम पडये यांनी संगमेश्वर पोलीस ठाण्यात तक्रार दाखल केली असून अज्ञात व्यक्तीविरोधात भारतीय न्याय संहिता (BNS) कलम १३७(२) अंतर्गत गुन्हा नोंद करण्यात आला आहे.
पोलिसांकडून मिळालेल्या माहितीनुसार, संतोष पडये हे रिक्षाचालक असून पत्नी, आई आणि मुलांसह मयुरबाग लोवले येथे वास्तव्यास आहेत. त्यांचा मुलगा यश संतोष पडये (वय १२ वर्षे) हा दादासाहेब सरफरे विद्यालय, बुरंबी येथे इयत्ता सहावीत शिक्षण घेत आहे. मुलगा रागीट स्वभावाचा असून यापूर्वीही तो कोणालाही न सांगता घराबाहेर जात असल्याचे तक्रारीत नमूद करण्यात आले आहे.
११ मे २०२६ रोजी यश हा दिवसभर घराबाहेर गेला होता. सायंकाळी घरी परतल्यानंतर वडिलांनी त्याला न सांगता बाहेर गेल्याबद्दल रागावले होते. त्यानंतर तो घराबाहेर अंगणात बसला होता. रात्री झोपण्यासाठी बोलवायला गेल्यावर तो दिसून आला नाही. कुटुंबीयांनी तसेच ग्रामस्थांनी परिसरात, नातेवाईकांकडे आणि आजूबाजूच्या वाड्यांमध्ये शोध घेतला, मात्र तो मिळून आला नाही.
बेपत्ता मुलाचे वर्णन असे – नाव यश संतोष पडये, वय १२ वर्षे, उंची सुमारे ४ फूट, मजबूत शरीरयष्टी, गव्हाळ वर्ण, गोल चेहरा, काळे डोळे, सरळ नाक व काळे वाढलेले केस. अंगात पांढऱ्या रंगाचा निळ्या पट्ट्यांचा टी-शर्ट, जांभळ्या रंगाची हाफ पॅन्ट व पायात चप्पल होती. त्याची बोलीभाषा मराठी आहे.
या प्रकरणी १३ मे २०२६ रोजी दुपारी ३.०९ वाजता संगमेश्वर पोलीस ठाण्यात लेखी तक्रार दाखल करण्यात आली असून पोलीस अधिक तपास करत आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
