रत्नागिरी जिल्ह्यातील संगमेश्वर तालुक्यात १२ वर्षीय मुलगा रहस्यमयरीत्या बेपत्ता झाल्याची धक्कादायक घटना समोर आली आहे. या प्रकरणी संगमेश्वर पोलीस ठाणे येथे अज्ञात व्यक्तीविरोधात अपहरणाचा गुन्हा दाखल करण्यात आला असून पोलिसांकडून बालकाचा युद्धपातळीवर शोध सुरू आहे.
मिळालेल्या माहितीनुसार, संबंधित अल्पवयीन मुलगा सोमवार, दिनांक ११ मे २०२६ रोजी रात्री सुमारे १० वाजण्याच्या दरम्यान राहत्या घरातून कोणालाही काहीही न सांगता बाहेर पडला. बराच वेळ उलटल्यानंतरही तो घरी परत न आल्याने कुटुंबीयांनी गाव परिसर, शेजारील वाड्या तसेच नातेवाईकांकडे शोधाशोध सुरू केली. मात्र, सर्व प्रयत्न निष्फळ ठरल्यानंतर मुलाच्या वडिलांनी अज्ञात व्यक्तीने फूस लावून मुलाचे अपहरण केल्याची तक्रार पोलिसांत दिली.
घटनेची गंभीर दखल घेत संगमेश्वर पोलीस ठाणे चे प्रभारी पोलीस निरीक्षक श्री. चव्हाण यांच्या मार्गदर्शनाखाली तपास सुरू करण्यात आला आहे. भारतीय न्याय संहिता कलम १३७ (२) अंतर्गत गुन्हा नोंदवण्यात आला असून पोलीस उपनिरीक्षक आर. एस. गावित हे या प्रकरणाचा पुढील तपास करत आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
