महाराष्ट्र नवनिर्माण सेनेचे अध्यक्ष राज ठाकरे यांच्या नेतृत्वाखाली पक्षाची संघटनात्मक बांधणी अधिक मजबूत करण्याच्या दृष्टीने विविध पदांवर नियुक्त्या करण्यात येत आहेत. त्याअंतर्गत सचिन गायकवाड यांची रत्नागिरी जिल्हा सचिवपदी फेरनियुक्ती करण्यात आली आहे. या नियुक्तीबद्दल दापोली तालुक्यातील मनसेचे पदाधिकारी व कार्यकर्त्यांकडून सचिन गायकवाड यांचे अभिनंदन करण्यात येत असून, त्यांच्या पुढील वाटचालीसाठी शुभेच्छा देण्यात येत आहेत.
सचिन गायकवाड यांनी यापूर्वीही रत्नागिरी जिल्ह्यात मनसेची संघटनात्मक वाढ करण्यासाठी तसेच पक्षाची विचारधारा तळागाळातील जनतेपर्यंत पोहोचविण्यासाठी सक्रियपणे काम केले आहे. त्यांच्या अनुभवाचा आणि कार्यपद्धतीचा पक्षाच्या संघटनात्मक विस्ताराला निश्चितच फायदा होईल, असा विश्वास मनसेच्या पदाधिकारी व कार्यकर्त्यांकडून व्यक्त करण्यात आला.
नव्या जबाबदारीत रत्नागिरी जिल्ह्यात पक्षाची संघटना अधिक सक्षम करणे, नव्या कार्यकर्त्यांना पक्षाशी जोडणे, युवकांना संघटनेत सक्रिय करणे तसेच सर्वसामान्य नागरिकांच्या विविध प्रश्नांना प्रभावीपणे वाचा फोडणे, ही प्रमुख आव्हाने त्यांच्यासमोर असणार आहेत. आगामी काळात या माध्यमातून जिल्ह्यात मनसेची संघटनात्मक ताकद आणखी वाढविण्यासाठी सचिन गायकवाड प्रयत्नशील राहतील, अशी अपेक्षा व्यक्त होत आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
