रत्नागिरी शहरातील खाडीत उडी मारल्यानंतर गंभीर जखमी झालेल्या ३९ वर्षीय व्यक्तीचा मृत्यू झाल्याची दुर्दैवी घटना समोर आली आहे. बुधवारी, १८ नोव्हेंबर रोजी दुपारी ही घटना घडली. साकीब मेहबुब काझी असे मृत व्यक्तीचे नाव असून, खाडीत उडी घेतल्यानंतर पाण्याखालील दगडांना धडक लागल्याने त्यांच्या तोंडाला गंभीर दुखापत झाली होती. त्यांना तातडीने रुग्णवाहिकेतून रत्नागिरीच्या सिव्हिल हॉस्पिटलमध्ये दाखल करण्यात आले. मात्र, वैद्यकीय अधिकाऱ्यांनी तपासणी केल्यानंतर त्यांना मृत घोषित केले.
मिळालेल्या माहितीनुसार, साकीब मेहबुब काझी (वय ३९, रा. उद्यमनगर, राजापुरकर कॉलनी, रत्नागिरी) यांनी बुधवारी दुपारी सुमारे २ वाजून ३५ मिनिटांच्या सुमारास रत्नागिरी शहरातील खाडीत उडी मारली. यावेळी त्यांनी पायाला चप्पल बांधल्याची नोंद करण्यात आली आहे. पाण्यात उडी घेतल्यानंतर खाडीतील दगडांना धडक लागल्याने त्यांच्या तोंडाला गंभीर दुखापत झाली.
ही घटना लक्षात आल्यानंतर बोट मालक प्रल्हाद शिरगावकर यांनी जखमी साकीब काझी यांना रुग्णवाहिकेतून तातडीने रत्नागिरीतील सिव्हिल हॉस्पिटलमध्ये उपचारासाठी दाखल केले. मात्र, रुग्णालयात पोहोचल्यानंतर वैद्यकीय अधिकाऱ्यांनी त्यांची तपासणी केली. उपचार सुरू करण्यापूर्वीच त्यांचा मृत्यू झाल्याचे डॉक्टरांनी घोषित केले.
दरम्यान, या घटनेची रत्नागिरी शहर पोलीस ठाण्यात आकस्मिक मृत्यू क्रमांक १५१/२०२६, भारतीय नागरिक सुरक्षा संहिता कलम १९४ अन्वये नोंद करण्यात आली आहे. साकीब काझी यांच्या मृत्यूचे नेमके कारण स्पष्ट होण्यासाठी पुढील प्रक्रिया सुरू आहे. रत्नागिरीतील या घटनेमुळे परिसरात हळहळ व्यक्त होत आहे.

वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*











