रत्नागिरी तालुक्यातील गोळप येथे एका ५६ वर्षीय प्रौढाने दीर्घकालीन आजारपणाला कंटाळून राहत्या घरी गळफास लावून आपली जीवनयात्रा संपवल्याची धक्कादायक घटना मंगळवारी उघडकीस आली आहे. अशोक रामचंद्र मोरे (वय ५६, मूळ रा. पनवेल, रायगड, सध्या रा. गोळप, रत्नागिरी) असे आत्महत्या केलेल्या व्यक्तीचे नाव आहे.
ही घटना ५ मे रोजी सकाळी १० ते दुपारी १ वाजण्याच्या सुमारास घडली.
मिळालेल्या माहितीनुसार, घटनेच्या वेळी अशोक मोरे हे घरात एकटेच होते. याच संधीचा फायदा घेत त्यांनी आजारपणाला कंटाळून घरातील बेडशीट फाडली आणि सिलिंग फॅनला गळफास लावून घेतला. दुपारी १ वाजण्याच्या सुमारास त्यांची पत्नी घरात परतली असता त्यांना अशोक मोरे हे गळफास लावलेल्या अवस्थेत दिसून आले, ज्यामुळे परिसरात खळबळ उडाली.
या घटनेची माहिती मिळताच पूर्णगड पोलीस ठाण्याच्या पथकाने तातडीने घटनास्थळी धाव घेत मृतदेहाचा पंचनामा केला आणि तो उत्तरीय तपासणीसाठी जिल्हा शासकीय रुग्णालयात पाठवून दिला. याप्रकरणी पूर्णगड पोलीस ठाण्यात सध्या आकस्मिक मृत्यूची नोंद करण्यात आली असून पोलीस अधिक तपास करत आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
