मंडणगड शहरातील एस.टी. बसस्थानकातून तालुक्यात अंर्तगत गावात प्रवाशी वाहतूक करणाऱ्या गाड्या वेळेत सुटत नसल्याने विविध समस्या निर्माण झाल्याची तक्रार नागरीकांकडून करण्यात आली आहे.
या विषया संदर्भात प्रतिक गमरे, राहणार शिरगाव, सुशांत मोरे, मंडणगड यांनी आगार व्यवस्थापक यांच्याकडे 8 नोव्हेंबर 2024 रोजी सादर करण्यात आलेल्या तक्रार अर्जात म्हटलं आहे.
एसटी बसेस वेळेत सोडल्या जात नाहीत बस वेळेत न सोडल्यामुळे याचा त्रास सर्वसामान्य जनतेला भोगावा लागत आहे. बस वेळेत न सोडल्याने प्रवाशांना त्यांच्या बस स्टॉप पासून गावाकडे अंधारात पायी चालत जावे लागत आहेत.
रात्रीच्या अंधारात महिलांच्या सुरक्षेचा प्रश्न निर्माण होतो. बस वेळेत न सोडल्यामुळे नागरीकांना होत असलेला त्रास आणि समस्यांचा आपण विचार करुन या संदर्भात योग्य उचित कार्यवाही करावी अशी मागणी या निवेदनात करण्यात आली आहे.
या तक्रार अर्जाचे निवेदनावर प्रतिक गमरे, सुशांत मोरे, शैलेंद्र मर्चेंडे, महेंद्र बैकर, महेंद्र कदम, सुमित जाधव, नवीन जोशी, विशाल जाधव, कमलेश शिगवण, संतोष बैकर, दगडु साळुंखे यांनी तक्रार केली आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569 Ratnagiri, Dapoli
Editor – Tejas Borghare
*वेगवान बातमी, अचूक आणि थेट भूमिका !*
