तालुक्यामधील भोमडी येथे फुगीची नदी या ठिकाणी जंगलमय भागात ७ जिवंत गावठी बॉम्ब सापडले.
हे गावठी बॉम्ब प्राण्यांच्या शिकारीकरिता लावलेले होते की, अन्य काही उद्देश होता, याचा तपास पोलिस करत आहेत.
दापोली : भोमडी येथे सापडले 7 जिवंत गावठी बॉम्बभोमडी-निकमवाडी येथे राहणारे संतोष काणेकर यांनी दापोली पोलिस ठाण्यात दिलेल्या फिर्यादीनुसार, मंगळवार, दि. ५ डिसेंबर रोजी रात्री १०.३० वाजण्याच्या सुमारास अज्ञात इसमाने जिवंत गावठी बॉम्ब रस्त्यात पेरून ठेवलेले होते.
हे बॉम्ब जंगली प्राण्यांची शिकार करण्याच्या हेतूने ठेवण्यात आल्याचा प्राथमिक अंदाज वर्तविण्यात येत आहे. या बॉम्बची किंमत सुमारे ७ हजार असून, अज्ञात इसमाच्या विरोधात दापोली पोलिस ठाण्यात गुन्हा दाखल करण्यात आला आहे.
दापोली परिसरात जंगली प्राण्यांच्या शिकारीचे पेव फुटले असून अशा पद्धतीने बॉम्बचा वापर करून जंगली प्राण्यांची शिकार केली जात आहे. या जिवंत गावठी बॉम्बमुळे पाळीव जनावरे तसेच मनुष्यहानीही होण्याची शक्यता वर्तवली जात आहे. या प्रकरणाचा अधिक तपास दापोली पोलिस ठाण्याचे उपनिरीक्षक पाटील करीत आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
