खेड आंबडस येथून चायनिज खाऊन भेलसईकडे परतत असताना ट्रिपल सीट दुचाकी पुलाच्या कठड्यावर आदळून झालेल्या अपघातात ३४ वर्षीय तरुणाचा मृत्यू झाला. या अपघातात अन्य दोघे जखमी झाले. ही घटना १२ सप्टेंबर रोजी रात्री सुमारे १०.४५ वाजता भेलसई चौथाई येथील भेलसई पुलावर घडली.
मयताचे नाव रुपेश सुरेश धाडवे (वय ३४, रा. भेलसई गंग धाडवेवाडी, ता. खेड) असे आहे. तर सर्वेश शिवाजी धाडवे आणि दर्शन अनंत धाडवे (वय २१) हे जखमी झाले आहेत.
पोलिसांनी दिलेल्या माहितीनुसार, रुपेश धाडवे, सर्वेश धाडवे आणि दर्शन धाडवे हे तिघेही यामाहा मोटारसायकल क्रमांक एमएच ४३ सीएफ २१७७ वरून आंबडस येथून भेलसईच्या दिशेने येत होते. भेलसई पुलाजवळील वळण आणि उताराच्या ठिकाणी दुचाकीवरील नियंत्रण सुटले. दुचाकी पुलाच्या सिमेंटच्या कठड्यावर जोरात आदळली.
या अपघातात रुपेश यांच्या डोक्याला गंभीर दुखापत झाली. त्यात त्यांचा मृत्यू झाला. सर्वेश यांच्या उजव्या डोळ्याजवळ दुखापत झाली, तर दर्शन यांच्या उजव्या हाताच्या करंगळीजवळील बोटाला दुखापत झाली. दुचाकीच्या पुढील भागाचे तसेच हेडलाईटचे नुकसान झाले.
या प्रकरणी खेड पोलीस ठाण्यात गुन्हा रजिस्टर क्रमांक ३१६/२०२६ नुसार भारतीय न्यायसंहिता कलम १०६(१), २८१, १२५(अ)(ब) तसेच मोटार वाहन कायद्यातील कलम १८४, १२८/१७७ अन्वये गुन्हा दाखल करण्यात आला आहे. अपघातानंतर दर्शन हे मुंबई येथे गेले होते. ते १९ सप्टेंबर रोजी खेड पोलीस ठाण्यात हजर झाल्यानंतर त्यांच्या फिर्यादीवरून गुन्हा दाखल करण्यात आला.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
