खेड पोलीस ठाण्याच्या हद्दीत घडलेल्या केबल चोरीच्या गुन्ह्याचा खेड पोलिसांनी छडा लावत आरोपीला सोलापूर जिल्ह्यातील सांगोला येथून ताब्यात घेतले आहे. पोलिसांनी गुप्त माहिती आणि तांत्रिक विश्लेषणाच्या आधारे आरोपीचा शोध घेत ही कारवाई केली.
केबल चोरीच्या या प्रकरणाचा तपास सुरू असताना पोलिसांनी विविध तांत्रिक बाबींचा अभ्यास करत आरोपीचा माग काढला. मिळालेल्या गोपनीय माहितीनुसार आरोपी सांगोला परिसरात असल्याचे निष्पन्न झाल्यानंतर खेड पोलिसांच्या पथकाने तेथे जाऊन त्याला ताब्यात घेतले.
या कारवाईदरम्यान आरोपीकडून चोरीस गेलेल्या केबलमधील तांब्याचा मुद्देमाल पोलिसांनी हस्तगत केला आहे. त्यामुळे केबल चोरीच्या या गुन्ह्याच्या तपासाला महत्त्वाची दिशा मिळाली असून, चोरीतील इतर मुद्देमाल तसेच या प्रकरणात आणखी कोणाचा सहभाग आहे का, याबाबत पोलिसांकडून तपास सुरू आहे.
ही कारवाई उपविभागीय पोलीस अधिकारी शैलेश सणस यांच्या नेतृत्वाखाली खेड पोलीस ठाण्याचे पोलीस निरीक्षक विवेक अहिरे आणि त्यांच्या पथकाने केली.
रत्नागिरी जिल्ह्यात वाढत्या चोरीच्या घटनांवर नियंत्रण मिळवण्यासाठी पोलिसांकडून गुप्त माहिती, तांत्रिक विश्लेषण आणि प्रत्यक्ष तपासाच्या माध्यमातून कारवाई केली जात असल्याचे या कारवाईतून स्पष्ट झाले आहे. प्रकरणाचा पुढील तपास खेड पोलीस ठाण्यामार्फत सुरू आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
