रत्नागिरी जिल्ह्यातील खेड परिसरात एका महिलेला अश्लील फोटो व व्हिडिओ व्हायरल करण्याची धमकी देत तब्बल ६८ लाख रुपयांची खंडणी उकळल्याचा गंभीर प्रकार समोर आला आहे. या प्रकरणात गुलाम मोहिद्दीन रफिक परकार Ghulam Mohiddin Rafik Parkar (वय ३२, रा. साखरोली-खेड) याला पोलिसांनी अटक केली असून त्याच्या बँक खात्यांवर कारवाई करून ती गोठवण्यात आली आहेत.
तपासानुसार, संशयिताने पीडित महिलेशी जवळीक साधून तिचे खासगी फोटो व व्हिडिओ वापरत ब्लॅकमेलिंग सुरू केले. व्हिडिओ व्हायरल करण्याची धमकी देत त्याने वेळोवेळी ऑनलाईन पद्धतीने मोठी रक्कम उकळली. इतकी रक्कम दिल्यानंतरही तो पैशांची मागणी सुरूच ठेवत असल्याने पीडितेने अखेर Khed Police Station येथे तक्रार दाखल केली.
पोलिस निरीक्षक Vivek Ahire यांच्या मार्गदर्शनाखाली पोलिसांनी तपास सुरू करून संशयिताला मुंबईत सापळा रचून अटक केली. तपासात असेही समोर आले की, उकळलेली रक्कम काही प्रमाणात परदेशात, विशेषतः Saudi Arabia येथे पाठवण्यात आली आहे.
सध्या संशयिताच्या बँक खात्यांमध्ये असलेली रक्कम गोठवण्यात आली असून पुढील तपास सुरू आहे. आरोपीची पोलीस कोठडी लवकरच संपणार असून त्याला पुन्हा न्यायालयात हजर केले जाणार आहे.
या प्रकरणामुळे सायबर ब्लॅकमेलिंगच्या वाढत्या घटनांबाबत गंभीर चिंता व्यक्त केली जात आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
