कोकणातील ग्रामीण भागात आधुनिक, गुणवत्तापूर्ण आणि रोजगाराभिमुख शिक्षणाची मुहूर्तमेढ रोवून हजारो विद्यार्थ्यांच्या आयुष्यात परिवर्तन घडविणारे शिक्षणतज्ज्ञ संदीप राजपुरे यांना पंडित दीनदयाल उपाध्याय विद्यापीठातर्फे प्रतिष्ठेची मानद डॉक्टरेट (Honorary Doctorate) पदवी प्रदान करण्यात आली आहे. दिल्ली येथे आयोजित भव्य आणि दिमाखदार सन्मान सोहळ्यात मान्यवरांच्या हस्ते त्यांना मानपत्र, पदक आणि शाल देऊन गौरविण्यात आले. शिक्षण क्षेत्रातील त्यांच्या उल्लेखनीय योगदानाची राष्ट्रीय स्तरावर झालेली ही दखल कोकणासाठी अभिमानाची बाब मानली जात आहे.
गेल्या अनेक वर्षांपासून ग्रामीण भागातील विद्यार्थ्यांनाही महानगरांप्रमाणे दर्जेदार शिक्षण मिळावे, आधुनिक शैक्षणिक सुविधा उपलब्ध व्हाव्यात आणि रोजगाराभिमुख अभ्यासक्रमांच्या माध्यमातून विद्यार्थ्यांचे भविष्य घडावे, या ध्येयाने संदीप राजपुरे सातत्याने कार्यरत आहेत. त्यांच्या दूरदृष्टीमुळे कोकणातील अनेक विद्यार्थ्यांना उच्च शिक्षणासाठी मोठ्या शहरांकडे धाव घेण्याची गरज कमी झाली असून, स्थानिक पातळीवरच दर्जेदार शिक्षणाची सुविधा उपलब्ध झाली आहे.
त्यांच्या नेतृत्वाखाली दापोली येथे श्री रामराजे ज्युनियर कॉलेज ऑफ आर्ट्स, कॉमर्स अँड सायन्स, श्री रामराजे कॉलेज, श्री रामराजे कॉलेज ऑफ नर्सिंग, श्री रामराजे इंटरनॅशनल स्कूल (CBSE), मराठा मंदिर CBSE इंग्लिश मीडियम स्कूल आणि आर. आर. वैद्य इंग्लिश मीडियम स्कूल या संस्था यशस्वीपणे कार्यरत आहेत. तसेच पालगड येथील पूज्य साने गुरुजी कला व वाणिज्य वरिष्ठ महाविद्यालय, देवरुख येथील देवरुख इन्स्टिट्यूट ऑफ नर्सिंग आणि मा. मामासाहेब भुवड कॉलेज ऑफ कॉमर्स अँड हॉटेल मॅनेजमेंट, रत्नागिरी येथील रत्नागिरी कॉलेज ऑफ नर्सिंग तसेच चिपळूण येथील श्री रामराजे कॉलेज ऑफ नर्सिंग या संस्थांमधून हजारो विद्यार्थी शिक्षण घेत आहेत.
या संस्थांमध्ये B.Sc. Nursing, P.B. B.Sc. Nursing, G.N.M., A.N.M., B.P.Th. (Bachelor of Physiotherapy), D.Pharmacy, B.Pharmacy, B.Sc. Hospitality Studies, B.Com. (Accounting & Finance), B.A.M.M.C., B.A., B.Com., BCA, B.Sc. IT, BMS आणि D.Ed. यांसह विविध पदवी, व्यावसायिक आणि कौशल्याधारित अभ्यासक्रम उपलब्ध आहेत. आधुनिक प्रयोगशाळा, सुसज्ज ग्रंथालये, डिजिटल वर्गखोल्या, अनुभवी प्राध्यापक, विद्यार्थीकेंद्रित अध्यापन पद्धती आणि उद्योगाभिमुख प्रशिक्षणामुळे या संस्थांनी अल्पावधीतच गुणवत्तापूर्ण शिक्षणासाठी स्वतःची वेगळी ओळख निर्माण केली आहे.
संदीप राजपुरे यांनी केवळ शैक्षणिक संस्था उभारण्यापुरते कार्य मर्यादित ठेवले नाही, तर विद्यार्थ्यांच्या व्यक्तिमत्त्व विकास, कौशल्यविकास, रोजगारनिर्मिती आणि सामाजिक जाणीवा वाढविण्यासाठी विविध उपक्रमही सातत्याने राबविले आहेत. आर्थिकदृष्ट्या दुर्बल, ग्रामीण आणि वंचित घटकांतील विद्यार्थ्यांनाही शिक्षणाच्या मुख्य प्रवाहात आणण्याचा त्यांचा प्रयत्न विशेष उल्लेखनीय मानला जातो. त्यांच्या मार्गदर्शनाखाली अनेक विद्यार्थ्यांनी विविध व्यावसायिक क्षेत्रांत यश संपादन करून देश-विदेशात आपला ठसा उमटविला आहे.
शिक्षण क्षेत्रातील त्यांच्या दूरदृष्टीपूर्ण नेतृत्वाची, समाजाप्रती असलेल्या बांधिलकीची आणि विद्यार्थ्यांच्या सर्वांगीण विकासासाठी केलेल्या अविरत कार्याची दखल घेत पंडित दीनदयाल उपाध्याय विद्यापीठाने त्यांना हा प्रतिष्ठेचा मानद सन्मान बहाल केला आहे. या सन्मानामुळे त्यांच्या शैक्षणिक कार्याचा राष्ट्रीय स्तरावर गौरव झाला असून, कोकणातील शिक्षण क्षेत्रासाठीही हा अत्यंत अभिमानाचा क्षण मानला जात आहे.
संदीप राजपुरे यांच्या या यशाबद्दल शिक्षण, सामाजिक, राजकीय, उद्योग आणि सांस्कृतिक क्षेत्रातील मान्यवरांसह माजी विद्यार्थी, पालक आणि नागरिकांकडून अभिनंदनाचा वर्षाव होत आहे. त्यांच्या पुढील शैक्षणिक, सामाजिक आणि सेवाभावी कार्यासाठी सर्व स्तरांतून शुभेच्छा व्यक्त करण्यात येत असून, त्यांच्या नेतृत्वाखाली कोकणातील शिक्षण क्षेत्र आणखी उंची गाठेल, असा विश्वासही व्यक्त केला जात आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
