गुहागर : नवतरुण विकास मंडळाच्या पुढाकारातून काताळेतील विद्यार्थ्यांना शैक्षणिक साहित्य वाटप

नवतरुण विकास मंडळ काताळे (गोंधळकरवाडी) आणि आपली रत्नागिरी ग्रुप यांच्या संयुक्त विद्यमाने जिल्हा परिषद पूर्ण प्राथमिक आदर्श शाळा काताळे क्रमांक १ व जिल्हा परिषद पूर्ण प्राथमिक शाळा तवसाळ बाबरवाडी येथील विद्यार्थ्यांना शैक्षणिक साहित्याचे वाटप करण्यात आले.

शनिवार, दि. १३ जून २०२६ रोजी झालेल्या या उपक्रमात अंगणवाडी ते इयत्ता सातवीपर्यंतच्या तसेच बाबरवाडीतील इयत्ता पहिली ते पाचवीपर्यंतच्या एकूण ५४ विद्यार्थ्यांना शालेय बॅग, छत्री, वह्या, पेन, पेन्सिल, कंपास, पाटी व खाऊचे वाटप करण्यात आले. तसेच शाळांना पंखा, ग्लोब, शैक्षणिक नकाशे आणि आवश्यक शैक्षणिक फलक भेट देण्यात आले.

कार्यक्रमाला काताळे व परिसरातील विविध वाड्यांमधील ग्रामस्थ, महिला वर्ग तसेच शालेय व्यवस्थापन समितीचे पदाधिकारी मोठ्या संख्येने उपस्थित होते. कार्यक्रमाचे प्रास्ताविक करंबळे गुरुजी, चव्हाण गुरुजी आणि कांबळे गुरुजी यांनी केले. त्यांनी शाळेच्या प्रगतीची माहिती देत अशा सामाजिक उपक्रमांचे महत्त्व अधोरेखित केले.

मुंबईहून विशेष उपस्थित राहिलेले अनिल रसाळ यांनी विद्यार्थ्यांना मार्गदर्शन केले.

तसेच अंगणवाडी सेविका, शालेय व्यवस्थापन समितीच्या अध्यक्षा दिशा येद्रे व मयुरी बारस्कर यांचाही सत्कार करण्यात आला. प्रमुख उपस्थितांमध्ये. संदीप जोशी नरेश येद्रे,.विजय पवार,
. श्रीधर रसाळ. अनिल रसाळ,
. सचिन रसाळ,गिरीश कदम,
. संतोष बारस्कर, सदानंद बारस्कर, सखाराम बारस्कर, विनायक बारस्कर,
अशोक डिंगणकर,
. गोविंद बारस्कर, आदेश बारस्कर,
. सुधाकर दादा बारस्कर,
. भिकु बारस्कर,
. संतोष कुळये,
. शांताराम भुवड, आणि गावातील महिला वर्ग यांनी चांगली उपस्थिती दर्शवली.

कार्यक्रम यशस्वी करण्यासाठी विलास बारस्कर यांनी मोफत साउंड सिस्टीम उपलब्ध करून दिली. त्यांच्या योगदानाबद्दल मंडळाच्या वतीने आभार व्यक्त करण्यात आले. गावकऱ्यांच्या उत्स्फूर्त सहभागामुळे हा उपक्रम दिमाखात पार पडला.

प्रतिनिधी

वेगवान बातमी, अचूक आणि थेट भूमिका !

कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म

©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*