रत्नागिरी जिल्ह्यातील मंडणगड आणि रत्नागिरी तालुक्यांतून दोन वेगवेगळ्या घटनांमध्ये एक महिला आणि एक युवक बेपत्ता झाल्याची नोंद पोलिस ठाण्यात करण्यात आली आहे. दोघेही घरातून बाहेर पडल्यानंतर अद्याप घरी परतलेले नाहीत. नातेवाइकांनी त्यांच्या पातळीवर शोध घेतला; मात्र त्यांचा ठावठिकाणा लागला नसल्याने पोलिसांकडूनही शोधमोहीम सुरू करण्यात आली आहे. संबंधित व्यक्तींविषयी कोणतीही माहिती मिळाल्यास नागरिकांनी तातडीने पोलिसांशी संपर्क साधावा, असे आवाहन करण्यात आले आहे.
मंडणगडमधून ५६ वर्षीय महिला बेपत्ता
मंडणगड तालुक्यातील तिडे आदिवासीवाडी येथील रहिवासी ताई शांताराम जाधव (वय ५६) या २७ ऑगस्ट रोजी दुपारी सुमारे ३ वाजण्याच्या सुमारास घरातून अचानक बाहेर पडल्या. त्यानंतर त्या घरी परतलेल्या नाहीत. नातेवाइकांनी परिसरासह संभाव्य ठिकाणी त्यांचा शोध घेतला; मात्र त्यांचा कोणताही ठावठिकाणा लागला नाही. त्यामुळे याबाबत मंडणगड पोलिस ठाण्यात बेपत्ता झाल्याची नोंद करण्यात आली आहे.
ताई जाधव यांचा वर्ण निमगोरा, चेहरा गोल, डोळे काळे, नाक सरळ असून त्यांची उंची सुमारे ४ फूट ३ इंच आहे. त्या घरातून निघताना लाल रंगाची साडी आणि पिवळ्या बारीक फुलांची नक्षी असलेला ब्लाऊज परिधान केला होता. त्यांच्या गळ्यात काळ्या मण्यांचे मंगळसूत्र आहे.
या महिलेबाबत कोणत्याही नागरिकाला माहिती मिळाल्यास किंवा त्या कुठे दिसून आल्यास तातडीने मंडणगड पोलिस ठाण्याशी संपर्क साधावा, असे पोलिसांनी कळवले आहे.
खेडशी येथून २६ वर्षीय युवक बेपत्ता
दरम्यान, रत्नागिरी तालुक्यातील खेडशी, मोरया एकतानगर येथील सुयोग उत्तम कोलगे (वय २६) हा युवकही बेपत्ता झाला आहे. सुयोग २० ऑगस्ट रोजी दुपारी सुमारे ४ वाजता घरातून बाहेर पडला होता. त्यानंतर तो अद्याप घरी परतलेला नसल्याने कुटुंबीयांकडून त्याचा शोध घेण्यात आला. मात्र त्याच्याबाबत कोणताही ठोस सुगावा न लागल्याने रत्नागिरी ग्रामीण पोलिस ठाण्यात याबाबत माहिती देण्यात आली आहे.
सुयोगचा बांधा बारीक, उंची सुमारे ५ फूट ३ इंच, वर्ण गोरा आणि चेहरा उभा आहे. त्याच्या चेहऱ्यावर दाढी-मिशी आहेत. घरातून बाहेर पडताना त्याने निळ्या रंगाचा फुलांचा टी-शर्ट आणि निळी फुल जीन्स परिधान केली होती.
सुयोगकडे मोटो कंपनीचा टॅब, आयफोन मोबाईल असून तो मरून रंगाच्या ॲक्टिव्हा दुचाकीवरून (क्रमांक MH 08 AH 4237) घराबाहेर पडल्याची माहिती देण्यात आली आहे.
माहिती मिळाल्यास पोलिसांशी संपर्क साधण्याचे आवाहन
दोन्ही बेपत्ता प्रकरणांमध्ये पोलिसांकडून संबंधित व्यक्तींचा शोध घेण्याचे प्रयत्न सुरू आहेत. या व्यक्तींविषयी कोणत्याही नागरिकाला माहिती मिळाल्यास, त्या कुठे दिसून आल्यास किंवा त्यांच्या हालचालींबाबत काही सुगावा लागल्यास नागरिकांनी विलंब न करता संबंधित पोलिस ठाण्याशी संपर्क साधावा, असे पोलिस प्रशासनाने आवाहन केले आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
