क्रीडा आणि युवक सेवा संचालनालय महाराष्ट्र राज्य, पुणे यांच्या मार्गदर्शनाखाली जिल्हा क्रीडा परिषद व जिल्हा क्रीडा अधिकारी कार्यालय, रत्नागिरी यांच्यावतीने आयोजित जिल्हास्तरीय व्हॉलीबॉल स्पर्धेत पूज्य साने गुरुजी विद्यामंदिर, पालगड (साने गुरुजी एज्युकेशन सोसायटी संचलित) येथील १४ वर्षे वयोगटातील मुलींच्या संघाने अंतिम विजेतेपद पटकावले.
ही स्पर्धा शनिवार, ४ ऑक्टोबर रोजी फाटक हायस्कूल, रत्नागिरी येथे पार पडली. उत्कृष्ट खेळ करत मुलींनी अंतिम फेरीत विजय मिळवला व शाळेच्या नावलौकिकात भर घातली. विजेत्या संघाला आता रत्नागिरी जिल्ह्याचे प्रतिनिधित्व विभागीय स्पर्धेत करण्याची संधी मिळाली आहे.
संघाचे नेतृत्व कुमारी मान्यता गौरत हिने केले. तर वृद्धी चव्हाण, रिया गणवे, मनस्वी जामकर, आकांक्षा मोहिते, निधी कोशिमकर, देवयानी गोलीपकर, नंदिनी कोशिमकर या खेळाडूंनीही चमकदार कामगिरी बजावली. संघाला मार्गदर्शक शिक्षिका. मंजिरी शितुत व मार्गदर्शक शिक्षक. दत्तप्रसाद गुरव यांचे मोलाचे मार्गदर्शन लाभले.
या यशाबद्दल शाळेचे मुख्याध्यापक प्रसाद पावशे, सर्व शिक्षकवृंद, शिक्षकेतर कर्मचारी तसेच साने गुरुजी एज्युकेशन सोसायटीचे अध्यक्ष सन्मा. शरद रावजी केळकर, उपाध्यक्ष डॉ. अशोक करंदीकर, गुरव सर आणि आठले मॅडम सचिव डॉ. मकरंद करमरकर व संचालक मंडळ यांनी विजयी संघाचे मनःपूर्वक अभिनंदन केले.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
