दापोली शहरात बेकायदा मटका जुगार सुरू असल्याची माहिती मिळाल्यानंतर पोलिसांनी कारवाई करत एका व्यक्तीविरोधात गुन्हा दाखल केला आहे. ही कारवाई ५ ऑक्टोबर २०२६ रोजी सायंकाळी करण्यात आली.
पोलिसांनी दिलेल्या माहितीनुसार, दापोली एस.टी. बसस्थानकासमोर असलेल्या स्वागत हॉटेलच्या मागील बाजूस, स्टेपीन बारजवळ एका व्यक्तीकडून बेकायदा मटका जुगाराचा खेळ सुरू असल्याचे आढळून आले. संबंधित व्यक्ती नागरिकांकडून पैसे स्वीकारून कोणताही परवाना नसताना मटका जुगार चालवत असल्याचा आरोप आहे.
या कारवाईत तुकाराम नारायण जुवळे (वय ३५, रा. दापोली, आदर्श शाळेच्या मागील बाजूस, ता. दापोली) याच्याविरोधात दापोली पोलीस ठाण्यात गुन्हा दाखल करण्यात आला आहे.
पोलिसांनी आरोपीकडून १,०५० रुपयांची रोख रक्कम तसेच जुगाराचे साहित्य जप्त केले आहे. याप्रकरणी पोलिस शिपाई/पोलीस कर्मचारी जगदीश सुरेश आंबवणे यांनी फिर्याद दिली आहे.
दापोली पोलीस ठाण्यात गुन्हा रजिस्टर क्रमांक २१३/२०२६ नुसार महाराष्ट्र जुगार अधिनियम कलम १२(अ) अन्वये गुन्हा दाखल करण्यात आला आहे. पुढील तपास दापोली पोलीस करत आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
