जि. प. पूर्ण प्राथमिक शाळा, गव्हे येथे विद्यार्थ्यांसाठी मोफत वह्या वाटपाचा कार्यक्रम उत्साहपूर्ण वातावरणात संपन्न झाला. गव्हे-निगडे ग्रामपंचायतीचे सरपंच लक्ष्मण काशीराम गुरव यांच्या दातृत्वातून हा उपक्रम राबविण्यात आला. विद्यार्थ्यांच्या शैक्षणिक प्रगतीसाठी आवश्यक साहित्य उपलब्ध करून देण्याच्या उद्देशाने आयोजित करण्यात आलेल्या या कार्यक्रमाला विद्यार्थी, पालक आणि ग्रामस्थांचा उत्स्फूर्त प्रतिसाद लाभला.
शाळेच्या परिसरात सकाळी १०.३० वाजता कार्यक्रमास सुरुवात झाली. यावेळी उपस्थित मान्यवरांच्या हस्ते विद्यार्थ्यांना मोफत वह्यांचे वितरण करण्यात आले. नवीन वह्या मिळाल्याने विद्यार्थ्यांच्या चेहऱ्यावर आनंद दिसून आला. या उपक्रमामुळे विद्यार्थ्यांना शैक्षणिक साहित्याची मदत मिळणार असून शिक्षणाबाबत त्यांचा उत्साह अधिक वाढेल, असा विश्वास उपस्थितांनी व्यक्त केला.
कार्यक्रमास शाळेचे मुख्याध्यापक, शिक्षकवृंद, शाळा व्यवस्थापन समितीचे सदस्य, पालक तसेच ग्रामस्थ मोठ्या संख्येने उपस्थित होते. उपस्थितांनी श्री. लक्ष्मण गुरव यांनी विद्यार्थ्यांच्या हितासाठी घेतलेल्या पुढाकाराचे कौतुक केले.
कार्यक्रमाच्या शेवटी मुख्याध्यापकांनी सरपंच. लक्ष्मण काशीराम गुरव यांचे विद्यार्थ्यांप्रती दाखविलेल्या सामाजिक बांधिलकीबद्दल मनःपूर्वक आभार मानले. ग्रामीण भागातील विद्यार्थ्यांना शिक्षणासाठी आवश्यक साहित्य उपलब्ध करून देण्यासाठी अशा उपक्रमांची नितांत गरज असून समाजातील दानशूर व्यक्तींनी पुढे येण्याचे आवाहन यावेळी करण्यात आले.
या उपक्रमामुळे विद्यार्थ्यांना शैक्षणिक मदत मिळण्याबरोबरच शिक्षणाबाबत सकारात्मक प्रेरणा मिळाली असून ग्रामस्थांनीही या उपक्रमाचे स्वागत केले आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
