दापोली तालुक्यातील पालगड येथे क्षुल्लक कारणावरून मारहाण करत गाडीचे नुकसान केल्याची घटना ३१ डिसेंबरला रात्री घडली.
दापोली पोलिस ठाण्यात या प्रकरणी परस्परविरोधी तक्रारी दाखल करण्यात आल्या आहेत. पोलिसांनी दिलेल्या माहितीनुसार, ३१ डिसेंबरला एस. राजकुमार (४२ रा. तामिळनाडू) हा चालक शमनाद के. पी. याच्यासोबत ट्रक घेऊन अलिबाग रायगड येथून दापोली-हर्णे येथे जात होता.
पालगड दापोली येथे ट्रकच्या मागून एक काळ्या रंगाची मोटार वेगाने आली. त्यातील एकाने ट्रकपुढे येऊन गाडी थांबवली. त्याच्या हातात रॉड होता. त्याने एस. राजकुमार याच्या ट्रकच्या दोन्ही दरवाजाच्या काचा फोडल्या तसेच अन्य दोन मोटार सायकलवरील चौघे ट्रकमध्ये चढून राजकुमार व शमनाद के. पी. याला पाईपने मारहाण केली.
दमदाटी करत गाडी जाळून टाकण्याची धमकी दिली, अशी फिर्याद एस. राजकुमार यांनी दापोली पोलिस ठाण्यात दाखल केली आहे. या फिर्यादीनुसार दापोली पोलिस ठाण्यात गुन्हा दाखल करण्यात आला आहे. सकलेन शौकत हवा (२४, रा. जामगे मोहल्ला) यांनी दिलेल्या फिर्यादीनुसार ३१ डिसेंबरला रात्री गाडीतून कामाकरिता महाड येथून परत येत होतो तेव्हा त्याचे मित्र मुनीफ अब्दुल गणी खलपे हवा यांच्या मागोमाग टू व्हीलर घेऊन येत होता.
शीरखल स्टॉपच्या पुढे आल्यावर मच्छीच्या गाडीवरील चालक शमनाथ के. पी. हा मागन जोराने हॉर्न वाजवत होता म्हणून हवा याच मित्र मुनीफ अब्दुल खलपे यांनी रस्त्याच्या बाजूला आपली गाडी लावली. तेव्हा मच्छीच्या गाडीवरील चालक व एस. राजकुमार हे गाडीतून उतरून
मुनीफ खलपे याला गाडीतून कॉलरला पकडून खाली उतरवले व शिवीगाळ करत एस. राजकुमार याने मुनीफ खलपे याच्या डोक्यात टॉमी मारून दुखापत केली, असे हवा यांनी दिलेल्या फिर्यादीनुसार म्हटले आहे. याबाबत दापोली पोलिस ठाण्यात गुन्हा दाखल करण्यात आला आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
