संगमेश्वर तालुक्यातील कुटगिरी येडगेवाडी येथे पिण्याच्या पाण्याची पाईपलाईन तोडल्याच्या जुन्या वादातून एका ५५ वर्षीय व्यक्तीला लाकडी काठीने आणि लाथाबुक्क्यांनी मारहाण करण्यात आल्याची घटना घडली. या प्रकरणी संगमेश्वर पोलीस ठाण्यात एकूण सात संशयित आरोपीविरुद्ध विविध कलमान्वये गुन्हा दाखल करण्यात आला आहे.
पोलिसांकडून मिळालेल्या माहितीनुसार, फिर्यादी शंकर भागोजी येडगे (वय ५५, रा. कुटगिरी येडगेवाडी, सध्या रा. नवी मुंबई) आणि संशयित आरोपी हे एकाच वाडीतील रहिवासी आहेत. त्यांच्यामध्ये पिण्याच्या पाण्याची पाईपलाईन तोडल्याच्या कारणावरून पूर्वीपासून वाद सुरू होता. याच जुन्या वादाच्या रागातून १७ एप्रिल २०२६ रोजी रात्री १० वा.च्या सुमारास संशयित आरोपींनी फिर्यादीला गाठले.
यावेळी संशयित आरोपी सुरेश बाबू येडगे आणि पांडुरंग बाबू येडगे यांनी फिर्यादीला लाकडी काठीने मानेवर व पाठीत मारहाण केली. तसेच संशयित आरोपी सुरेश धोंडीबा येडगे, तुकाराम विठ्ठल येडगे, जनार्दन धोंडीबा येडगे आणि इतर दोन-तीन जणांनी फिर्यादीला हाताच्या थापटाने व लाथाबुक्क्यांनी मारहाण करून शिवीगाळ केली.
मारहाण करत असताना फिर्यादीला जीवे मारण्याची धमकीही देण्यात आली असल्याचे तक्रारीत म्हटले आहे. या घटनेनंतर शंकर येडगे यांनी दिलेल्या तक्रारीवरून संगमेश्वर पोलिसांनी संशयित आरोपींविरुद्ध बी.एन.एस. कलम १८९ (२), १९०, १९१(२), ११८(१), ३५१(२), ३५२ नुसार गुन्हा दाखल केला आहे. पोलीस हवालदार एस. एस. कोलगे या प्रकरणाचा अधिक तपास करत आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
