कायदा व सुव्यवस्था राखण्याच्या जबाबदारीसोबतच सामाजिक बांधिलकी जपत दापोली पोलिसांनी हर्णे येथील ऐतिहासिक गड-किल्ल्यांवर विशेष स्वच्छता मोहीम राबवून एक आदर्श उपक्रम साकारला. छत्रपती शिवाजी महाराजांच्या इतिहासाची साक्ष देणाऱ्या या वारसा स्थळांचे पावित्र्य आणि सौंदर्य जपण्याच्या उद्देशाने ही मोहीम आयोजित करण्यात आली.
यावेळी दापोली पोलीस निरीक्षक महेश तोरसकर यांनी गड-किल्ल्यांचे ऐतिहासिक महत्त्व अधोरेखित करताना सांगितले की, “गड-किल्ले हे महाराष्ट्राचे वैभव असून त्यांचे संवर्धन आणि स्वच्छता राखणे ही प्रत्येक नागरिकाची जबाबदारी आहे. पर्यटकांना या ऐतिहासिक स्थळांमधून प्रेरणा मिळावी आणि त्यांचे सौंदर्य कायम राहावे, यासाठी सर्वांनी पुढाकार घेणे आवश्यक आहे.”
या मोहिमेदरम्यान पोलीस अधिकारी, कर्मचारी तसेच स्थानिक नागरिकांनी एकत्र येत गड-किल्ल्यांच्या परिसरातील कचरा गोळा केला. तसेच वाढलेली झाडे-झुडपे हटवून परिसर स्वच्छ करण्यात आला. स्वच्छतेबरोबरच गड-किल्ल्यांच्या जतनाबाबत जनजागृती करण्याचाही प्रयत्न करण्यात आला.
दापोली पोलिसांच्या या उपक्रमाला हर्णे परिसरातील ग्रामस्थांनी उत्स्फूर्त प्रतिसाद दिला. स्थानिक नागरिकांनीही स्वखुशीने सहभाग नोंदवत ऐतिहासिक वारशाच्या संवर्धनासाठी योगदान दिले.
ही मोहीम केवळ स्वच्छतेपुरती मर्यादित न राहता इतिहासाप्रती आदर, सामाजिक जबाबदारी आणि वारसा संवर्धनाचा संदेश देणारी ठरली आहे. दापोली पोलिसांच्या या उपक्रमाचे नागरिकांकडून कौतुक होत असून भविष्यातही अशा उपक्रमांची अपेक्षा व्यक्त केली जात आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
