कोकणातील स्थानिक हापूस आंब्यांचा हंगाम सुरू असतानाच बाजारपेठेत कर्नाटकातून येणाऱ्या हापूस आंब्यांची मोठ्या प्रमाणात आवक वाढू लागली आहे. त्यामुळे स्थानिक उत्पादक आणि ग्राहकांमध्ये चर्चेला उधाण आले आहे.
दापोलीतील किरकोळ विक्रेते तसेच महामार्गालगतच्या स्टॉलवर सध्या कर्नाटकी हापूस मोठ्या प्रमाणात विक्रीसाठी उपलब्ध होत आहेत. हे आंबे आकाराने मोठे आणि दिसायला आकर्षक असल्याने ग्राहक त्याकडे वळत आहेत. मात्र, स्थानिक शेतकऱ्यांचे म्हणणे आहे की, कोकणातील नैसर्गिक पद्धतीने पिकवलेल्या हापूसच्या चवीला आणि सुगंधाला कर्नाटकी आंब्यांची सर येत नाही.
यंदा अवकाळी पाऊस आणि बदलत्या हवामानाचा फटका स्थानिक आंबा उत्पादनाला बसल्याने उत्पादन काही प्रमाणात घटले आहे. त्यातच बाहेरील राज्यातील आंब्यांची वाढती आवक झाल्याने बाजारभावावरही परिणाम होत असल्याचे व्यापाऱ्यांकडून सांगितले जात आहे.
दरम्यान, ग्राहकांनी खरेदी करताना स्थानिक आणि कर्नाटकी हापूस यातील फरक ओळखून योग्य निवड करावी, असे आवाहन आंबा उत्पादकांकडून करण्यात येत आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
