राजापूर शहरात १७ वर्षीय अल्पवयीन मुलीला फूस लावून तिच्यावर लैंगिक अत्याचार केल्याची धक्कादायक घटना उघडकीस आली आहे. या प्रकरणी राजापूर पोलिसांनी संशयित आरोपी दिलीपकुमार संदीप बावकर (वय १९, रा. डोंगर, राजापूर) याच्याविरुद्ध पोस्को कायद्यांतर्गत गुन्हा दाखल करून त्याला अटक केली आहे. न्यायालयाने आरोपीला ५ जूनपर्यंत पोलीस कोठडी सुनावल्याने या प्रकरणाच्या तपासाला वेग आला आहे.
पोलिसांकडून मिळालेल्या माहितीनुसार, पीडित मुलगी राजापूर येथे संगणकीय प्रशिक्षणासाठी नियमितपणे येत होती. याच दरम्यान तिची आरोपीशी ओळख झाली होती. कालांतराने दोघांमध्ये संवाद वाढला. मात्र, या ओळखीचा गैरफायदा घेत आरोपीने मुलीला आपल्या विश्वासात घेतल्याचा आरोप तक्रारीत करण्यात आला आहे.
तक्रारीनुसार, ३ एप्रिल २०२६ रोजी आरोपीने मुलीला फूस लावून आपल्या एका मित्राच्या खोलीवर नेले. तेथे तिच्यावर लैंगिक अत्याचार केल्याचा आरोप करण्यात आला आहे. घटनेनंतर काही दिवसांनी ही बाब पीडितेच्या कुटुंबीयांच्या निदर्शनास आली. त्यानंतर पीडितेच्या आईने राजापूर पोलीस स्थानकात तक्रार दाखल केली.
तक्रार प्राप्त होताच पोलिसांनी घटनेची गंभीर दखल घेत तत्काळ गुन्हा नोंदविला. अल्पवयीन मुलीचा समावेश असल्याने संशयिताविरुद्ध लैंगिक अपराधांपासून बालकांचे संरक्षण (पोस्को) कायद्यासह संबंधित कलमांनुसार गुन्हा दाखल करण्यात आला.
गुन्हा दाखल झाल्यानंतर पोलिसांनी संशयित आरोपीला ताब्यात घेत अटक केली. त्यानंतर त्याला न्यायालयासमोर हजर करण्यात आले. तपासासाठी आरोपीची पोलीस कोठडी आवश्यक असल्याचे सांगत पोलिसांनी न्यायालयाकडे मागणी केली होती. ती मान्य करत न्यायालयाने आरोपीला ५ जूनपर्यंत पोलीस कोठडी सुनावली.
या काळात पोलिसांकडून घटनेशी संबंधित सर्व बाबींची सखोल चौकशी केली जात आहे. घटनेच्या ठिकाणाची पडताळणी, साक्षीदारांचे जबाब, तसेच इतर पुराव्यांचे संकलन करण्याचे काम सुरू आहे. या प्रकरणात आणखी काही माहिती अथवा पुरावे समोर येतात का, याचाही तपास पोलिसांकडून करण्यात येत आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
