मुंबई-गोवा राष्ट्रीय महामार्गावरील अंजनारी पुलावर सलग दुसऱ्या दिवशी अपघाताची घटना घडली. मुंबईहून गोव्याच्या दिशेने मच्छीची वाहतूक करणारा कंटेनर गुरुवारी सकाळी पुलावर उलटल्याने काही काळ वाहतुकीचा खोळंबा झाला. या पुलावरील वारंवार होणाऱ्या अपघातांमुळे वाहनचालकांच्या सुरक्षिततेचा प्रश्न पुन्हा ऐरणीवर आला आहे.
मिळालेल्या माहितीनुसार, कंटेनर क्रमांक MH 43 BP 1960 हा मुंबईहून गोव्याच्या दिशेने जात होता. गुरुवारी सकाळी सुमारे ६.३० वाजण्याच्या सुमारास तो अंजनारी पुलावर आला असता चालकाचे वाहनावरील नियंत्रण सुटले आणि कंटेनर महामार्गावर उलटला. या कंटेनरमधून मच्छीची वाहतूक करण्यात येत होती. प्रेमशंकर यादव (मूळ रा. उत्तर प्रदेश) हे कंटेनर चालवत होते.
अपघाताची माहिती मिळताच महामार्ग पोलीस आणि स्थानिक प्रशासनाने घटनास्थळी धाव घेतली. पोलिस निरीक्षक निळकंठ बगळे यांच्या मार्गदर्शनाखाली पोलिसांनी घटनास्थळी आवश्यक कार्यवाही केली. अपघातग्रस्त कंटेनर बाजूला करण्याचे काम हाती घेण्यात आले. या प्रकरणाचा पुढील तपास तपास अंमलदार वाडकर करत आहेत.
विशेष म्हणजे, याच पुलावर सलग दुसऱ्या दिवशी अपघात घडल्याने या परिसरातील वाहतूक सुरक्षेचा मुद्दा चर्चेत आला आहे. पुलावरील वळण, वाहनांचा वेग आणि रस्त्याची स्थिती यांसारख्या बाबींची तपासणी करण्याची गरज व्यक्त होत आहे.
अंजनारी पुलावरील अपघातांची कारणे शोधून संबंधित प्रशासनाने आवश्यक सुरक्षा उपाययोजना कराव्यात, अशी मागणी स्थानिक नागरिक आणि प्रवाशांकडून होत आहे.
दरम्यान, या अपघातात कोणाला दुखापत झाली आहे का, याबाबत अधिकृत माहिती उपलब्ध झालेली नाही.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
