तरुणीला प्रेमाच्या जाळ्यात ओढून तिला लग्नाचे आमिष दाखवत तब्बल दीड वर्ष प्रौढाने वारंवार लैंगिक अत्याचार केला. याप्रकरणी संशयित प्रौढाला न्यायालयाने 13 डिसेंबरपर्यंत पोलिस कोठडी सुनावली.
गोविंद अनंत घवाळी (वय 45, रा. भारती शिपयार्डजवळ मिऱ्या बंदर, रत्नागिरी) असे पोलिस कोठडी सुनावण्यात आलेल्या संशयिताचे नाव आहे. त्याच्याविरोधात पीडित तरुणीने शहर पोलिस ठाण्यात तक्रार दिली आहे. त्यानुसार, संशयित गोविंद घवाळी याने पीडितेशी ओळख करून तिचा विश्वास संपादन केला.
त्यानंतर तिच्यासोबत लग्न करण्याचे आमिष दाखवून त्याने ऑगस्ट 2023 ते 6 डिसेंबर 2024 या कालावधीत वारंवार जबरदस्तीने तिच्याशी शहरातील मांडवी, टीआरपी, गोडबोले स्टॉप, पंधरा माड, मिऱ्या बंदर, परटवणे या ठिकाणी शारीरिक संबंध प्रस्थापित केले. तसेच त्याने पीडित तरुणीला वारंवार शिवीगाळ व मारहाणही केली आहे. याबाबत पीडितेने सोमवार 9 डिसेंबर रोजी शहर पोलिस ठाण्यात तक्रार दिल्यानंतर शहर पोलिसांनी गोविंदला रात्री 10.43 वा. सुमारास अटक केली.
मंगळवारी त्याला न्यायालयात हजर करण्यात आले असता न्यायालयाने त्याची 13 डिसेंबरपर्यंत पोलिस कोठडीत रवानगी केली.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
