दापोलीमधील वाकवली नवानगर-गिरणगावात दुर्देवी घटना समोर आली आहे. नदीत बुडून साडेचार वर्षीय बालकाचा मृत्यू झाला आहे. सदर घटना शुक्रवारी सकाळी 9:30 वाजण्याच्या सुमारास घडली असून सिरजल कमल भुजल असं मृत्यू झालेल्या बालकाचे नाव आहे.
याबाबतची फिर्याद गणेश भुजल यांनी दापोली पोलीस स्टेशनला दिली आहे. वाकवली पोलिसांना दिलेल्या माहितीनुसार गणेश भूजल नेहमीप्रमाणे कामावर गेले होते. दरम्यान 8 वाजता त्यांच्या पत्नीने कॉलकरून आपला मुलगा सिरजल नदीच्या पाण्यात पडल्याची माहिती दिली.
यानंतर कमल हे घरी परत येऊन तातडीने मुलाला खासगी दवाखान्यात दाखल केले. मात्र सिरजली प्रकृती अधिकच खालावल्याने डॉक्टरांनी आपल्याच गाडीतून सिरजलला दापोली उपजिल्हा रूग्णालयात नेले.
कमल यांच्या पत्नीने मुलगा सिरजल याला कचरा टाकण्याकरिता पाठवले होते. तो बराच वेळ आला नाही म्हणून पत्नीने आरडाओरडा केला असता गावातील माजी पोलीस पाटील गणपत आंबेकर, मनोज कोळेकर यांची पत्नी आणि अनिता मोहिते यांनी शोधाशोध सुरू केली. शोधाशोध सुरू असताना मुलगा घराजवळील नदीच्या पाण्यात पडल्याचे निदर्शनास आले.
ग्रामस्थांनी त्याला पाण्यातून बाहेर काढून खासगी दवाखान्यात नेले. डॉक्टरांनी तपासून 9:30 वाजण्याच्या सुमारास सिरजल मृत झाल्याचे घोषित केले. दापोली पोलीस स्थानकात अकस्मिक मृत्यू म्हणून नोंद करण्यात आली असून अधिक तपास पोलीस हेडकॉन्स्टेबल सुकाळे करीत आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
