दापोली तालुक्यातील पालगड येथील कोंडी नदीच्या पात्रात तरुणाचा बुडून मृत्यू झाल्याची घटना घडली.
युवराज यशवंत कोळुगडे (३६) असे मृत तरुणाचे नाव आहे. युवराज हा आई व मोठ्या भावासह पालगड-संभाजीनगर येथे रहात होता.
तो कुटुंबाच्या उदरनिर्वाहासाठी मिळेल ते काम करीत असे. ४ जुलै रोजी सकाळी तो घरामधून बाहेर पडला, तो परत घरी आला नाही. यामुळे त्याची सर्वत्र शोधाशोध सुरू होती. अखेर शनिवारी सकाळी त्याचा मृतदेह कोंडी नदीपात्रात तरंगत असलेला आढळून आला.
या बाबत पालगडचे पोलीस पाटील रुपेश बेलोसे यांना दूरध्वनीवरून – कळविण्यात आल्यावर त्यांनी घटनास्थळी येऊन संबंधित माहिती दापोली पोलीस स्थानकाला कळवली. दापोली पोलीस – स्थानकाचे प्रसाद मोरे यांनी घटनास्थळी येऊन पंचनामा केला.
पाण्यातून मृतदेह बाहेर काढण्यासाठी अंकुश बामणे, संदीप इंदुलकर व सुनील मोरे यांनी मदत केली. यानंतर मृतदेह दापोली उपजिल्हा रुग्णालयात विच्छेदनासाठी नेण्यात आला.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta Live, Media Network
Rg.No.MH-28-0047569
Ratnagiri, Dapoli
Editor – Tejas Borghare
*वेगवान बातमी, अचूक आणि थेट भूमिका !*
